Të kesh një vend të lirë pranë gjatë një fluturimi, të duket si të fitosh xhekpotin, por a do të paguaje për këtë?
Virgin Australia ka filluar të ofrojë një opsion ‘uljeje pa fqinjë’ në disa itinerare vendase dhe me distanca të shkurtra.
Kompania ajrore ka zgjedhur të përdorë një sistem ofertash për shërbimin. Kjo ndryshon nga transportuesit e tjerë, të cilët u lejojnë pasagjerëve të blejnë menjëherë vendet boshe ngjitur.
Pasagjerët që kanë rezervuar një biletë ekonomike në disa fluturime vendase dhe ndërkombëtare të shkurtra të Virgin Australia, mund të bëjnë ofertë për ta lënë vendin pranë tyre bosh.
Pasi të paguajnë biletën e avionit, klientët mund të paraqesin ofertën e tyre në aplikacionin Virgin Australia.
Ofertat fillojnë nga 30 dollarë australianë (17 euro). Ata që fitojnë njoftohen jo më vonë se dy orë para orarit të planifikuar të nisjes së fluturimit.
Megjithatë, ka një problem. Një vend i lirë fqinj nuk është i garantuar, pasi të gjitha vendet mbeten gjithashtu të disponueshme për t’u blerë me një biletë ekonomike gjatë afatit të ofertave. Por mos u shqetësoni, oferta juaj do të rimbursohet nëse kjo ndodh.
Për më tepër, klientët kanë të drejtë të hyjnë në ankand vetëm nëse kanë një maksimum prej dy pasagjerësh në rezervimin e tyre dhe mund të ofrojnë vetëm për një vend.
Një ofertë e suksesshme ju jep vetëm hapësirën e ulëseve dhe jo lejimin shtesë të bagazhit.
Pasagjerët në klasin Ekonomik X dhe biznes, nuk janë të kualifikuar për skemën.
Virgin Australia e prezantoi këtë opsion pas një ankete të konsumatorëve në vitin 2023, e cila zbuloi se 42 përqind e klientëve të saj do të merrnin në konsideratë pagesën e një tarife për të lënë vendin e mesëm bosh në fluturimet ndërkombëtare.
Më shumë se një e treta e të anketuarve thanë gjithashtu se do të bënin të njëjtën gjë në një fluturim vendas që zgjat më shumë se tri orë.
Skema është aktualisht e disponueshme në itinerare të caktuara, duke përfshirë Melbourne në Adelaide, Brisbane në Sydney dhe Sydney në Perth, dhe më vonë do të shtrihet më gjerësisht.
Linjat ajrore evropiane u lejojnë pasagjerëve të rezervojnë radhë të tëra
Disa transportues evropianë ofrojnë skema të ngjashme. Opsioni ‘Vend i zbrazët – Hapësira ime shtesë’ i Air France u lejon pasagjerëve të privatizojnë deri në tri vende ngjitur.
Ky opsion u ofrohet klientëve gjatë regjistrimit në kohë reale dhe varet nga disponueshmëria.
Tarifat varen nga destinacioni i fluturimit dhe numri i vendeve që pasagjerët zgjedhin të mbajnë falas.
Lufthansa ofron skemën ‘Vend fqinj falas’, me anë të së cilës është e mundur të rezervoni vendin ngjitur në itineraret kontinentale dhe ndërkontinentale.
Lufthansa reklamon gjithashtu një opsion ‘Rreshti i Fjetësve’, i cili u jep pasagjerëve një rresht të plotë me tre ose katër vendesh në Klasin Ekonomik në fluturimet me distanca të gjata.
Nëse e rezervoni këtë, ju jepet gjithashtu një komplet Sleeper’s Row në bord, i cili përfshin një dyshek të hollë plus një batanije dhe jastëk me cilësi të Klasit Biznes.
Në fluturimet me distanca të gjata me një kohëzgjatje prej afërsisht njëmbëdhjetë orësh ose më shumë, pasagjerët mund të rezervojnë një Sleeper’s Row direkt në regjistrim ose pak para nisjes në portë, në varësi të disponueshmërisë.
Ka një pagesë shtesë prej 159 deri në 229 euro për çdo etapë, kurse rezervimi paraprak, nuk është i mundur.
