Caktohet vazhdimi i seancës konstituive të Kuvendit të Kosovës

Të premten, më 10 tetor, do të vazhdojë seanca konstituive e Kuvendit të Kosovës.

Seanca do ta ketë një pikë të vetme, zgjedhjen e nënkryetarit të Kuvendit nga radhët e komunitetit serb.

Ajo do të fillojë nga ora 10:00, njoftohet në faqën zyrtare të Kuvendit.

Njoftimi për mbajtjen e kësaj seance vjen një ditë pas publikimit të aktgjykimit të plotë të Gjykatës Kushtetuese rreth konstituimit të Kuvendit të Kosovës.