Gjilan, 10 tetor 2025 – Policia e Kosovës ka zhvilluar një aksion të suksesshëm antidrogë në qytetin e Gjilanit, që ka rezultuar me arrestimin e një personi të dyshuar dhe sekuestrimin e një sasie të konsiderueshme të substancave narkotike dhe provave të tjera materiale.
Operacioni u realizua nga njësitë e Drejtorisë për Hetimin e Trafikimit me Narkotikë, pas grumbullimit të informacioneve dhe në koordinim me prokurorin kompetent. Gjatë kontrollit në shtëpinë e një të dyshuari, shtetas mashkull kosovar, policia ka gjetur dhe sekuestruar:
-
23.6 gramë kokainë
-
39 gramë marihuanë
- Advertisement - -
3 bimë të sapo mbjella të llojit Cannabis Sativa
-
1 armë zjarri (pistoletë)
-
2 peshore digjitale
-
2 telefona mobil
-
589.35 euro para të gatshme
Lidhur me rastin, Prokuroria ka iniciuar procedurë penale ndaj të dyshuarit për tre vepra penale:
-
Kultivim i bimëve narkotike (neni 272)
-
Blerje, posedim, shpërndarje dhe shitje e paautorizuar e substancave narkotike (neni 267)
-
Mbajtje e paautorizuar e armëve (neni 366)
Pas intervistimit në stacionin policor, me urdhër të prokurorit, i dyshuari është dërguar në mbajtje.
