LDK e para, PDK e dyta – mbi 70% të votave të numëruara për Kuvend Komunal

72,76% e votave janë numëruar deri më tani për Kuvendin Komunal në Prishtinë, sipas përditësimit të fundit të KQZ-së në orën 08:55.

LDK, me prijës të listës Përparim Ramën, deri më tani ka 29.29% apo 20,351 vota, duke u pasuar nga PDK, me prijës të listës Uran Ismailin, e cila deri më tani ka 22.37% apo 15,539 vota.

Ndërkaq, e treta është Lëvizja Vetëvendosje, listës të së cilës i prin Mrika Limani-Myrtaj, me 21.63% apo 15,029 vota.

E katërta është AAK me Bekë Berishën, e pesta Lidhja për Prishtinën me Fehmi Kupinën dhe e gjashta është PSD me Besa Shahinin.