Zëdhënësja e Policisë së Kosovës për rajonin e Prishtinës, Flora Ahmeti, e ka konfirmuar për media se sot në mesditë në fshatin Fushticë të Drenasit është raportuar për një person të plagosur me armë zjarri.
Ngjarja ka ndodhur rreth orës 13:30, derisa personi i plagosur është dërguar në QKMF-në e Komoranit, ku edhe stafi mjekësor ka konstatuar vdekjen.
Policia është duke u marrë me rastin.
“Sot, rreth orës 13:30, policia është njoftuar se një person (mashkull) të plagosur me armë zjarri në fshatin Fushticë të Drenasit.
I njëjti është dërguar menjëherë në QMF Komoran, ku nga ana e stafit mjekësor është konstatuar vdekja e tij.
Njësitet policore kanë dalë në vendngjarje dhe në koordinim me Prokurorin e shtetit, janë duke u marrë me hetimin e të gjitha rrethanave që lidhen me rastin”, ka thënë Ahmeti.
