Presidenti Donald Trump tha të premten gjatë një takimi me kryeministrin hungarez Viktor Orbán se po shqyrton dhënien e një përjashtimi nga sanksionet ruse të naftës për t’i lejuar Hungarisë të blejë nga Rusia.
“Po e shqyrtojmë sepse është shumë e vështirë për të që të sigurojë naftë dhe gaz nga zona të tjera”, tha Trump të premten kur u pyet nga media nëse është i përgatitur të pranojë kërkesën e Orbán-it për një përjashtim.
“Siç e dini, ata nuk kanë, nuk kanë avantazhin e të pasurit det. Është një vend i shkëlqyer. Është një vend i madh. Por ata nuk kanë det, nuk kanë porte”, vazhdoi ai.
“Dhe kështu ata kanë një problem të vështirë. Ka një vend tjetër që ka të njëjtin problem, meqë ra fjala. Por kur shikon se çfarë ka ndodhur me Evropën, shumë prej këtyre vendeve, ato nuk i kanë këto probleme dhe blejnë shumë naftë dhe gaz nga Rusia. Dhe, siç e dini, jam shumë i shqetësuar nga kjo sepse ne po i ndihmojmë ata dhe ata po shkojnë dhe po blejnë naftë dhe gaz nga Rusia”.
