I vetmi njeri që ka folur keq për ish-presidentin, Hashim Thaçin ka qenë diktatori Sllobodan Millosheviq.
Këtë e dëshmoi sot diplomati amerikan që ka pasur kontakt direkt me të dytë, raporton Klan Kosova.
Hill në ditën e parë të dëshmisë së tij, tregoi se UÇK-ja nuk ka pasur një strukturë vertikale të komandimit e as Thaçi nuk ka qenë komandant i saj.
Dëshmia e Hillit tani është e përqendruar rreth bisedimeve në Rambuje më 1999, dhe rolit të Hashim Thaçit në to.
Hill tha se Thaçi nuk e pranoi dokumentin e marrëveshjes për shkak se pavarësia e Kosovës nuk përmendej në të.
I pyetur nga mbrojtja se pse ai nuk e pranonte dokumentin, Hill theksoi: “Thaçi më tha se nëse do ta pranoja, do të më vrisnin sapo të kthehesha në Kosovë”.
Hill tha se Thaçi e kishte thënë këtë në dy raste.
“Unë nuk e pyeta si apo nga kush [do të vritej], por thjesht e kuptova se ai nuk ishte në pozitë për të thënë ‘po’”, tha Hill.
