Kuvendi Komunal i Prishtinës ka miratuar në një seancë të jashtëzakonshme ka votuar për bartjen e mjeteve vetanake nga viti 2024 në vitin 2025 që kapin vlerën e 28 milionë eurove.
Vendimi u votua me 38 vota për dhe një abstebim.
Seanca u mbajt pas disa ditësh sfidash në transportin publik, të shkaktuara nga greva e Trafikut Urban dhe operatorëve privatë, si dhe nga vështirësitë financiare të komunës.
Kryetari i Komunës, Përparim Rama, pas votimit deklaroi se ky vendim u mundëson pagesën e operatorëve transportues dhe vijimin e shërbimeve për qytetarët, dhe kërkoi gjithashtu nga Ministria e Financave zhbllokimin e 35 milionë eurove të tjera.
“Për fat të mirë sot e kemi hapur një dritare të re ku të gjithë asamblistët që ishin prezent u bënë bashkë me votuar bartjen e vitit të kaluar pra prej 28 milionësh, e cila sot o votua dhe presim nga ministri i financave në detyrë, që të hap këtë mundësi që të bëjë pagesat të gjithë operatorëve, kjo na jep mundësi që t’i paguajmë të gjithë. po ashtu lus edhe njëherë publikisht që edhe ato 35 milionë që me muaj të tërë janë të bllokuar t’i zhbllokoj në mënyrë që të vazhdojmë me shërbime të qytetarëve të kryeqytetit dhe të mos kemi kurrë probleme. Ne do të kemi shërbime të vazhdueshme prandaj kemi fondet tona të cilat kanë qenë të bllokuara shpresoj mbetet tek ministri t’i zhbllokoj të tjerat edhe 35 milionëshin”, ka deklaruar Rama.
Kurse Egzon Azemi i Vetëvendosjes, tha se protesta e punëtorëve ndikoi në thirrjen e seancës dhe në zhbllokimin e mjeteve.
“Ju lumtë për protestën sepse protesta juaj e detyroj kryetarin Rama me thirr seancë dhe me zhblloku mjetet e juaja, sa herë dikush ju lenë pa paga, ju bllokon e keni të drejtën me protestu dhe ja kjo është adresa ku keni ardhur këtu i zgjedh problemet. Sa herë të jeni bashkë mbani mend që do të fitoni gjithmonë”, tha Azemi.Ndërkohë, kryetari i Sindikatës së Trafikut Urban, Ilmi Gashi, konfirmoi se protesta do të vazhdojë deri në momentin kur pagat të deponohen në xhirollogaritë e punëtorëve.“Jo nuk fillojmë, mbizotëroj arsyeja që trafiku urban të ndalet në çdo stacion autobusit, dhe këtu mbizotëroj arsyeja që punëtorët e trafikuar urban punëtorët e kompanisë publike dhe private për të gjetur gjuhën e përbashkët brenda seancës për ta votuar bartjen e buxhetit 2024 uroj që të mos ndodh gjëra të tilla protesta vazhdon deri në ditën që aolkohen paratë në xhirollogaritë tona”, ka theksuar ai.
