Udhëheqësit evropianë kanë bërë thirrje për një sigurimin e një “force shumëkombëshe” për të siguruar Ukrainën pas çdo marrëveshjeje paqeje me Rusinë.
Në një deklaratë të përbashkët nga Berlini, ata paralajmëruan “progres të rëndësishëm” – të nxitur nga një angazhim i ri i SHBA-së për të ofruar garanci sigurie të paspecifikuara për Ukrainën.
Kancelari gjerman Friedrich Merz i përshkroi garancitë nga SHBA-të si “vërtet të jashtëzakonshme” dhe një “përparim shumë të rëndësishëm”.
Derisa Donald Trump tha se besonte se “jemi më afër tani se kurrë” për të rënë dakord për një armëpushim për konfliktin më vdekjeprurës në Evropë që nga Lufta e Dytë Botërore.
Komentet përmbyllin dy ditë bisedimesh në Berlin midis të dërguarve të Ukrainës dhe SHBA-së, Steve Witkoff dhe Jared Kushner, dhe një takimi të veçantë të liderëve evropianë në kryeqytetin gjerman.
Një tjetër takim i nivelit të lartë, këtë herë i Grupit të Kontaktit për Mbrojtjen e Ukrainës, do të mbahet të martën. Do të marrë pjesë edhe Sekretari britanik i Mbrojtjes, John Healey.
Presidenti ukrainas Volodymyr Zelenskyy nuk ishte aq i gëzuar pas zhvillimeve të së hënës, duke i quajtur bisedimet për dhënien e territoreve Rusisë “të dhimbshme” dhe “shumë të vështira”.
“Sinqerisht, ne ende kemi qëndrime të ndryshme”.
Në Berlin, udhëheqësit evropianë lëshuan një deklaratë të përbashkët në emër të udhëheqësve të Gjermanisë, Danimarkës, Finlandës, Francës, Italisë, Holandës, Norvegjisë, Polonisë, Suedisë dhe Mbretërisë së Bashkuar, si dhe të presidentëve të Këshillit Evropian dhe Komisionit Evropian.
Dokumenti thoshte se udhëheqësit “mirëpritën punën e ngushtë midis ekipeve të presidentit Zelenskyy dhe presidentit Trump, si dhe ekipeve evropiane gjatë ditëve dhe javëve të fundit”.
“Ata ranë dakord të punojnë së bashku me Presidentin Trump dhe Presidentin Zelensky për të arritur një paqe të qëndrueshme, e cila ruan sovranitetin e Ukrainës dhe sigurinë evropiane. Udhëheqësit vlerësuan konvergjencën e fortë midis Shteteve të Bashkuara, Ukrainës dhe Evropës”.
Duke përshkruar ato që ata i konsideronin garanci të nevojshme sigurie, udhëheqësit thanë se “forca shumëkombëshe” duhet të përbëhet nga vende nga e ashtuquajtura Koalicion i të Vullnetshmëve dhe “të mbështetur nga SHBA-ja”.
Ata thanë gjithashtu se “mbështesin fuqimisht” anëtarësimin e Ukrainës në Bashkimin Evropian dhe se ajo duhet të jetë në gjendje të mbajë forcat e saj të armatosura në një nivel prej 800,000 vetësh.
“Do të ndihmojë në rigjenerimin e forcave të Ukrainës, në sigurimin e qiejve të Ukrainës dhe në mbështetjen e deteve më të sigurta, duke përfshirë edhe operacionet brenda Ukrainës”.
Një zyrtar amerikan tha se rreth 90% e çështjeve midis palëve ndërluftuese ishin zgjidhur dhe se ata besonin se Rusia do të ishte e hapur për anëtarësimin e Ukrainës në Bashkimin Evropian dhe për garancitë e sigurisë në marrëveshje.
