Statistikat konfirmojnë rëndësinë e Ardian Ismajlit në prapavijën e Torinos. Me mbrojtësin shqiptar në fushë, granatat kanë pësuar vetëm 7 gola në 7 ndeshje, me një mesatare prej 1 goli për takim.
Një bilanc dukshëm më pozitiv krahasuar me ndeshjet e zhvilluara pa të.
Në mungesë të Ismajlit, Torino ka pësuar 18 gola në po aq ndeshje (7), duke e çuar mesataren në 2.57 gola të pësuar për ndeshje.
Nga përllogaritja është përjashtuar sfida ndaj Genoas, ku lojtari shqiptar ishte në fushë vetëm për 30 minuta.
Pas 15 ndeshjesh të analizuara, shifrat nuk lënë vend për interpretime: Ismajli është një element që vendos rregull në mbrojtje dhe i jep më shumë stabilitet repartit difensiv.
Prania e tij ndikon drejtpërdrejt në organizimin e skuadrës, veçanërisht në sistemin me tre mbrojtës.
Megjithatë, për të përfituar maksimalisht nga kjo skemë, Torinos i nevojitet një mbrojtës i majtë (me këmbë të majtë), i aftë të mbështesë manovrën dhe të shkëputet në fazën ofensive, ashtu siç funksionon në shumicën e mbrojtjeve me tre lojtarë.
E vetmja pikë e dobët e Ismajlit mbetet menaxhimi i topit nën presion.
Mbrojtësi kuqezi shpesh tregohet i nxituar në ndërtim, duke preferuar largime të shpejta në vend të një pasimi të kontrolluar.
