Në një intervistë në RTK, kandidati për kryeministër nga LVV, Albin Kurti, tha se qytetarët në zgjedhje vendosin për “siguri dhe begati”, duke theksuar se siguria përfshin sundimin e ligjit, rendin publik, mbrojtjen e kufijve, sovranitetin shtetëror dhe integritetin territorial, por edhe sigurinë e ujit e të energjisë.
Kurti foli edhe për rritjen e treguesve ekonomikë, duke deklaruar se buxheti i vitit të ardhshëm synon 4 miliardë euro, ndërsa PBB-ja pritet të arrijë 12 miliardë euro.
Deklarimet vijnë në sfondin e debatit të vjetër që vetë Kurti kishte hapur dikur me shprehjen “thika mbi harta” në kontekstin e Shtëpisë së Bardhë—një narrativë që atëherë nxiti reagime të shumta.
