Kryetari i LDK-së, Lumir Abdixhiku, ka dalë në konferencë për media rreth orës 21:55, duke e cilësuar rezultatin e partisë së tij si tejet të dobët në zgjedhjet e 28 dhjetorit. Ai njoftoi se do ta thërrasë sa më shpejt një Kuvend të jashtëzakonshëm të LDK-së, ku do të analizohen zhvillimet e fushatës, përgjegjësia politike dhe hapat e ardhshëm – pa e përjashtuar edhe mundësinë që në tavolinë të shtrohet propozimi për dorëheqje.
Sipas të dhënave preliminare të publikuara gjatë mbrëmjes, LDK renditet e treta, pas LVV-së dhe PDK-së.
