WASHINGTON – Mbrëmjen e së enjtes, Kennedy Center u shndërrua në një skenë që i ngjante epokës së artë të Hollywood-it, por me një nuancë të fortë politike. Melania Trump, e njohur për natyrën e saj të rezervuar, befasoi mediat duke thyer heshtjen gjatë premierës së dokumentarit të saj të ri, të titulluar thjesht “Melania”.
E shoqëruar nga Presidenti Donald Trump, i cili këtë herë zgjodhi të qëndronte një hap pas për t’i lënë skenën bashkëshortes së tij, Zonja e Parë parakaloi në një tapet të zi (në përputhje me estetikën e saj bardhë e zi) e veshur me Dolce & Gabbana dhe këpucë Christian Louboutin.
http://youtube.com/post/UgkxybNGOBSmgUUUlG2soyUVyh7DfAHnnb3r?si=coCbWDWiyyOSEdbu
“Të gjitha janë të preferuarat e mia” E pyetur nga The Washington Post se cilën skenë do të veçonte nga dokumentari që ajo vetë e ka prodhuar, Melania u përgjigj: “Është shumë vështirë të zgjedhësh. Të gjitha janë të preferuarat e mia.” Ajo konfirmoi gjithashtu se do të vazhdojë misionin e saj përmes programit të bursave “Fostering the Future” për fëmijët në nevojë.
Një marrëveshje rekord me Amazon Projekti, i drejtuar nga regjisori Brett Ratner, dokumenton 20 ditët e tranzicionit të Melania-s drejt rikthimit në Shtëpinë e Bardhë. Amazon ka paguar një shifër rekord prej 40 milionë dollarësh për licencimin e filmit, nga të cilat raportohet se Zonja e Parë ka përfituar personalisht rreth 28 milionë dollarë.
Në tapetin e zi nuk munguan figurat e larta të kabinetit Trump, përfshirë Speaker-in Mike Johnson dhe Robert F. Kennedy Jr., të cilët vlerësuan inteligjencën dhe elegancën e saj, duke e cilësuar dokumentarin si një mjet që do të tregojë “zemrën e saj të vërtetë”.
Brandi “Melania” Sipas këshilltarit të saj, Marc Beckman, ky film është pjesë e një strategjie strikte brandimi që e pozicionon Melania Trump krahas shtëpive të mëdha të modës në Paris dhe Milano. Përveç filmit, fansat do të kenë akses në produkte luksoze si parfume dhe aksesorë të markës “Melania”.
Ndonëse parashikimet e arkave (box office) për fundjavën e parë janë modeste (2 deri në 5 milionë dollarë), Melania insiston se filmi ka diçka për këdo: “Mendoj se do të shihni shumë emocione, nga humori te trishtimi dhe festimi. Mendoj se gjithsecili do të gjejë veten aty.”
