KINË – Nëse mendonit se “fshesa” e hekurt e Xi Jinping godiste vetëm gjeneralët e ushtrisë dhe rivalët politikë, mendohuni mirë! Kina komuniste sapo u ka dërguar një mesazh të përgjakshëm bandave kriminale globale: Mëshira nuk ekziston.
Të enjten, 11 “kokat” e një rrjeti gjigant mashtrimi online dhe telefonik u ekzekutuan zyrtarisht, pasi u shpallën fajtorë për drejtimin e një industrie vdekjeprurëse miliardësh nga xhunglat e Myanmar-it.
Fundi i “Perandorisë Ming”
Në mesin e të ekzekutuarve ishin anëtarët kyç të klanit famëkeq Ming, një familje që e kishte kthyer rajonin kufitar të Kokang-ut në një “shtet” brenda shtetit, ku lulëzonin kazinotë e paligjshme dhe skemat e mashtrimit.
-
Shifra marramendëse: Ky rrjet dyshohet se ka vjedhur mbi 1.4 miliardë dollarë (10 miliardë juanë) mes viteve 2015-2023.
- Advertisement - -
Gjurmë gjaku: Përveç vjedhjes, ata akuzohen për vrasjen e 14 shtetasve kinezë, plagosje dhe tortura çnjerëzore brenda komplekseve të ruajtura me ushtarë.
Skëterrë në kufi: Skllavëria moderne
Raportet e OKB-së dhe dëshmitë e të mbijetuarve përshkruajnë skena tmerri brenda këtyre “qendrave të mashtrimit”. Mijëra njerëz, të trafikuar dhe të detyruar me dhunë, punonin 20 orë në ditë duke gënjyer viktima në mbarë botën përmes “mashtrimeve romantike” dhe investimeve të rreme në kriptomonedha. Kush nuk arrinte “normën” e vjedhjeve, përballej me goditje elektrike dhe izolim.
“Kush prek kinezët, vdes!”
Vendimi i Gjykatës Supreme në Pekin ishte “përfundimtar dhe i prerë”. Ky aksion tregon se Pekini nuk po mbron vetëm ekonominë, por po demonstron forcën e tij përtej kufijve. Vetëm vitin e kaluar, mbi 7,600 persona u tërhoqën zvarrë nga Myanmar-i drejt qelive kineze.
Patriarku i klanit, Ming Xuechang, vrau veten sapo e kuptoi se agjentët e Xi-t po i trokisnin në derë, duke zgjedhur vdekjen e tij para “drejtësisë” komuniste. Për 11 të tjerët, xhelati ishte i pashmangshëm.
Mesazhi është i qartë: Në Kinën e sotme, as miliardat dhe as ushtritë private nuk të mbrojnë dot nga dora e hekurt e Partisë. Ky është vetëm fillimi i një “spastrimi” që pritet të tronditë të gjithë Azinë Juglindore.
