Kryetari i Komunës së Skenderajt, Sami Lushtaku, ka festuar sot ditëlindjen e tij, së bashku me figura të shumta nga spektri politik.
Në postimin e tij, ku ai ka falënderuar ata që ishin të pranishëm, shihet se prezentë ndër të tjerë, kanë qenë Ali Ahmeti, Ramush Haradinaj, e Bedri Hamza. Aty shihet edhe Endrit Thaçi, djali i Hashim Thaçit, e Vlora Çitaku.
Postimi i plotë:
Thellësisht mirënjohës për miqtë, bashkëluftëtarët dhe familjen që më befasuan në këtë festë ditëlindjeje, e cila është dëshmi e respektit dhe rrugëtimit tonë të përbashkët për dekada me radhë.
Faleminderit nga zemra secilit qytetar për thirrjet dhe mesazhet, që ndonëse ishte e pamundur t’i përgjigjem të gjithëve, mirënjohja ime është e plotë për secilin prej jush.
Uroj të qëndrojmë gjithmonë bashkë, të fortë në miqësi dhe të palëkundur në vlerat që na bashkojnë!
SL
