DUBAI / WASHINGTON (storm-rks.com) — Një valë shpërthimesh ka tronditur Emiratet e Bashkuara Arabe (UAE) gjatë mbrëmjes të së shtunës, 28 shkurt 2026, ndërsa Irani nisi atë që e quan “rrebeshi i hakmarrjes” si përgjigje ndaj sulmeve masive të SHBA-së dhe Izraelit. Aeroporti Ndërkombëtar i Dubait (DXB), qendra më e ngarkuar e aviacionit në botë, është detyruar të pezullojë të gjitha fluturimet pas një shpërthimi që shkaktoi dëme në një nga terminalet dhe la të paktën katër të lënduar.
Kaosi në Dubai: Nga Aeroporti te ‘The Palm’ Situata në terren përshkruhet si dramatike:
-
Zjarri në Fairmont The Palm: Një zjarr masiv shpërtheu në hyrje të hotelit luksoz me pesë yje në ishullin artificial Palm Jumeirah. Ndonëse ka raportime kontraverse, besohet se zjarri u shkaktua nga rënia e mbetjeve të një rakete iraniane të interceptuar nga mbrojtja ajrore e UAE.
-
Paraliza e Fluturimeve: Mbi 280 fluturime u anuluan dhe 250 të tjera u vonuan brenda pak orësh. Hapësira ajrore mbi UAE, Iran, Irak, Kuvajt, Bahrejn dhe Izrael mbetet pothuajse e zbrazët nga avionët civilë.
- Advertisement - -
Viktima në Abu Dhabi: Autoritetet në Abu Dhabi konfirmuan vdekjen e një shtetasi pakistanez si pasojë e mbetjeve të raketave që ranë në zona banimi.
Analiza e Storm: Një luftë pa “Linja të Kuqe” Teherani ka paralajmëruar se tashmë “nuk ka më linja të kuqe”, duke shënjestruar direkt infrastrukturën civile dhe ekonomike të vendeve që strehojnë baza amerikane. “Operacioni Epic Fury” i Presidentit Trump ka shkaktuar një reaksion zinxhir që po teston kufijtë e mbrojtjes ajrore të NATO-s dhe aleatëve të saj.
Instituti për Lidership Civil (ILC) vlerëson se ky eskalim synon të detyrojë SHBA-në të tërhiqet nga mbrojtja e Evropës, duke krijuar një mundësi të artë për Rusinë që të përshpejtojë planet e saj drejt vitit 2029. Për Kosovën, ky kaos në Lindjen e Mesme do të thotë rritje të çmimeve të energjisë dhe një vëmendje të reduktuar ndërkombëtare, gjë që kërkon një vigjilencë të shtuar institucionale.
