Albin Kurti po vlerësohet si lideri i parë që ka luksin të zgjedhë mes katër opsioneve të ndryshme për Presidentin, por që vullnetarisht po i refuzon të gjitha për të dërguar vendin në zgjedhje. Nga mandati i Vjosa Osmanit e deri te kandidatët neutralë, Kryeministri po shmang çdo marrëveshje me LDK-në apo PDK-në, duke e konsideruar 51.1%-shin si një “mandat hyjnor” që nuk kërkon kompromis me askënd.
Katër dyert e hapura që Kurti po i mbyll me vullnet të plotë
Analiza e fundit tregon se “ngerçi” nuk është pasojë e mungesës së numrave, por e një strategjie të pastër politike për të asgjësuar çdo formë opozitarizmi apo kontrolli mbi pushtetin e tij.
-
Refuzimi i Vjosa Osmanit: Edhe pse mbështetja për të do të ishte rruga më e shpejtë, Kurti ka zgjedhur ta bllokojë Presidenten në shkuarje.
-
Injorimi i Opozitës: Pavarësisht mundësisë për marrëveshje me LDK-në apo PDK-në për një emër konsensual, Kryeministri po shmang çdo kontakt që kërkon ndarje pushteti.
- Advertisement - -
Basti me “Zotin me laps”: Duke cituar 51.1%-shin si një vullnet “të shkruar nga lart”, Kurti po e kthen qeverisjen në një projekt monopersonal ku nuk ka vend për partnerë.
Analiza: Drejt Republikës së Tretë përmes krizës
Sistemi aktual i Kosovës është dizajnuar me qëllim që Presidenti të kërkojë 2/3 e votave (80 deputetë), duke inkurajuar koalicionet dhe kompromisin. Kurti po e sheh këtë trashëgimi si pengesë dhe po e përdor bllokadën për ta dërguar vendin në zgjedhje, me synimin për të instaluar një sistem ku ai dominon tërësisht.
“Kurti nuk e ka problem bllokimin e një Republike të tërë. Ai noton në krizë si peshku në ujë, duke abdikuara nga përgjegjësia e qeverisjes për t’i hapur rrugë dominimit absolut.”
