Presidenca konfirmoi se adresa e Osmanit do të ndodhë gjatë pasdites, por orari i saktë mbetet ende një “mister” i cili do të njoftohet në minutat në vijim.
Ky zhvillim vjen vetëm 24 orë pasi Lëvizja Vetëvendosje zyrtarizoi Glauk Konjufcën si emrin e tyre për President, duke lënë Osmanin jashtë propozimit fillestar.
- Advertisement -
Kryetarja e Kuvendit, Albulena Haxhiu, ka bllokuar thirrjen e seancës për votim, duke argumentuar se ligjërisht nuk mund të procedohet pa pasur të paktën dy kandidatë në garë.
Gjithë sytë janë te Presidentja, e cila pritet të tregojë nëse do të pranojë sfidën e nënshkrimeve të ofruara nga LVV apo nëse Kosova po rrëshqet drejt zgjedhjeve të reja.
