Ministri i Mbrojtjes, Ejup Maqedonci, ka pritur në takim U.D., shefen e operacioneve aktuale, Divizioni për Operacione i Shtabit të Përgjithshëm të NATO-s, Blanca Hereza.
Përmes një njoftimi në Facebook, Maqedonci tha se Herezën e njoftoi për zhvillimet aktuale në Ministrinë e Mbrojtjes dhe Forcën e Sigurisë së Kosovës (FSK), si dhe planet për të ardhmen.
- Advertisement -
“Nënvizova që vazhdojmë me përkushtim të koordinohemi e të bashkëpunojmë ngushtë me KFOR dhe Ekipin Këshillues dhe Ndërlidhës të NATO-s (NALT), ndërsa ritheksova se objektivi ynë është anëtarësimi në NATO, në mënyrë që vendi ynë dhe FSK të vazhdoj edhe më fuqishëm të jap kontribut në ruajtjen e stabilitetit dhe paqes, e për këtë po angazhohemi çdo ditë”, shtoi ai tutje në njoftim.
