Kryeministri i Republikës së Kosovës, Albin Kurti, ka udhëtuar sot për një vizitë zyrtare në Francë, ka njoftuar Zyra e Kryeministrit (ZKM).
Gjatë qëndrimit të tij në Paris, kryeministri Kurti pritet të zhvillojë një takim të rëndësishëm bilateral, i cili do të pasohet nga një drekë pune me presidentin e Francës, Emmanuel Macron.
- Advertisement -
Kjo vizitë vjen në një moment kyç për proceset diplomatike të Kosovës, ku pritet të diskutohet për bashkëpunimin ndërshtetëror, integrimet evropiane dhe zhvillimet e fundit politike në rajon. Takimi në pallatin „Élysée“ shënon një tjetër hap në forcimin e raporteve mes Prishtinës dhe Parisit zyrtar.
