Qeveria Kurti shpërndan lëmosha elektorale, por rasti i veteranëve dhe ushtarëve të FSK-së zbulon anën e errët të “pagës së 13-të”: Diferencime skandaloze dhe heshtje shurdhuese nga Ministria e Financave.
• Dëshmia e gjallë: … Ahmeti, ish-pjesëtar i FSK-së deri në nëntor 2025, denoncon mospagesën e pagës së 13-të, pavarësisht se shërbeu 11 muaj të plotë në vitin e kaluar.
• Propaganda vs. Realiteti: Ndërsa mediat raportuan se pagesa do të ekzekutohej edhe për ata që punuan më pak se 12 muaj, në terren po ndodh selektimi politik dhe administrativ.
• Muri i Ministrisë: Ministria e Financave ka mbyllur çdo kanal komunikimi, duke i lënë qytetarët pa asnjë mundësi ankimimi apo sqarimi për mjetet që u takojnë me ligj.
Zhvillimi i fundit: Kur “Guximi” mbaron te llogaritë bankare
Në këtë prill të vitit 2026, euforia e “pagës së 13-të” po zëvendësohet me zhgënjimin e qindra punonjësve të sektorit publik që u lanë jashtë listave. Rasti i ish-pjesëtarit të FSK-së, Gazmend Ahmeti, është vetëm maja e ajsbergut të një administrimi të dështuar që di të fitojë vota, por nuk di (ose nuk dëshiron) të bëjë drejtësi sociale.
Si është e mundur që një ushtarak, i cili ka shërbyer me dinjitet deri në ditën e pensionimit ligjor, të përjashtohet nga një përfitim që i takon proporcionalisht për 11 muajt e punës? Ky nuk është thjesht një gabim teknik; është reflektim i “sindromës së karriges” ku njerëzit shihen si numra deri në momentin që dalin nga sistemi.
Analiza e iLC/storm•: Diferencimi si mjet kontrolli
Për storm•, ky selektim tregon simetrinë e dështimit të hallkave të shtetit që po e diskutojmë gjithë javën.
1. Mungesa e transparencës: Fakti që Ministria e Financave nuk ka asnjë pikë kontakti aktive (e-mail apo telefon) për këto sqarime, dëshmon për një lidership që i frikësohet ballafaqimit me qytetarin.
2. Tandemi i neglizhencës: Ashtu si Presidentja Osmani që mbylli mandatin me heshtje për dështimet, edhe ekzekutivi po e mbyll ciklin e pagave me diferencime që lëndojnë shtyllën e sigurisë, pjesëtarët e FSK-së.
3. Mali i problemeve socio-ekonomike: Derisa cmimet e shportës jetike po prekin tavanin, qeveria luan me gjysmë-premtimet e pagave, duke krijuar ndarje mes “atyre që u takon” dhe “atyre që harrohen”.
