Udhëheqësja e ekstremit të djathtë Marine Le Pen dhe 24 zyrtarë të tjerë nga partia e saj u shpallën fajtor për devijimin e më shumë se 3 milion eurove të fondeve të Parlamentit Evropian për të paguar stafin me bazë në Francë midis viteve 2004 dhe 2016.
Le Pen mohoi akuzat se ajo ishte në krye të “një sistemi” që synonte të merrte fondet e BE-së për të përfituar partinë e saj.
Të pandehurit pretenduan se paratë ishin përdorur në mënyrë legjitime.
Gjyqi nëntë-javor u zhvillua në fund të vitit të kaluar.
Prokurorët kërkuan që Le Pen të përballet me një ndalim të menjëhershëm pesë-vjeçar nga postet publike nëse shpallet fajtore.
56-vjeçarja është tri herë pretendente presidenciale, e cila ka thënë se viti 2027 do të ishte kandidimi i saj i fundit për postin e lartë.
Dënimi pritet të shpallet më vonë sot, por aktualisht është e paqartë nëse vendimi do të ndikojë në shanset e saj për të kandiduar për presidente.
Është e mundur që gjykata ta shpallë Le Pen të papërshtatshme për të kandiduar për postin “me efekt të menjëhershëm” – edhe nëse ajo apelon.
Kjo do ta pengonte atë të kandidojë për presidente në dy vjet – një skenar që ajo e ka përshkruar si një “vdekje politike”.
