Kandidati për kryeministër nga Lidhja Demokratike e Kosovës (LDK), Lumir Abdixhiku, në tubimin masiv përmbyllës ka thënë se Kosova është një ditë dhe votë larg pagave më të larta në gjithë historinë e Kosovës.
Ai përsëriti zotimin për koeficient 150 që në javën e parë të qeverisjes.
- Advertisement -
“Jam zotuar për koeficient 150 mu në këtë ndërtesë. Një javë nga sot, nga këtu do të nënshkruaj vendimin për rritjen e pagave tuaj!”, tha Abdixhiku.
“Në këtë fat tonin, kemi përgjegjësi për të gjithë ata në hall e në nevojë për shërim, që duhet të bredhin nëpër botë sepse nuk kanë kushte në Kosovë; për ta kemi Spitalin e Ri. Jemi një ditë larg, një votë larg, spitalit më modern në rajon”, tha Abdixhiku.
