Pesë persona kanë pësuar lëndime trupore si pasojë e një aksidenti trafiku të ndodhur sot në Gllarevë të Klinës.
Policia ka bërë të ditur se aksidenti ka ndodhur mes tri veturave dhe një traktori, ku për pasoj janë lënduar pesë persona të cilët janë dërguar për trajtim mjekësor.
- Advertisement -
“Sot rreth orës 11:00, Policia është njoftuar për një aksident trafiku, i cili ka ndodhur në fshatin Gllarevë-Klinë, në këtë aksident ishin të involvuara tri vetura dhe një traktor dhe si pasojë e aksidentit pesë persona kanë pësuar lëndime trupore, të njëjtit janë dërguar ne QKMF-Klinë për tretman mjekësor”, ka theksur për media zëdhënësi i Policisë për rajonin e Pejës, Driton Rugova.
