Aksident në rrugën Prishtinë – Pejë, lëndohen tre persona

Një aksident ka ndodhur në rrugën Prishtinë – Pejë, më konkretisht te “Kroni i Mbretit”.

Në këtë aksident trafiku janë përfshinë dy automjete dhe një kamionetë.

Si pasojë e aksidentit, tre persona kanë pësuar lëndime dhe kanë kërkuar ndihmë mjekësore.

Zëdhënësi i Policisë së Kosovës, Daut Hoxha, konfirmoi se tre persona janë dërguar për trajtim mjekësor.

“Rreth orës 20:40 ka ndodhur aksidenti në rrugën Prishtinë – Pejë, ku ishin të përfshira dy automjete dhe një kamionetë. Sipas informacioneve të para, tre persona kanë kërkuar ndihmë mjekësore. Njësitet për kontrollin e autostradave kanë shkuar në vendngjarje dhe kanë nisur hetimet për të zbuluar shkakun e aksidentit,” tha Hoxha.