Një aksident i rëndë trafiku ka ndodhur në magjistralen Prishtinë-Pejë, saktësisht tek vendi i quajtur “Kroi i Mbretit”, ku kanë mbetur të lënduar dy persona.
Zëdhënësi i Policisë së Kosovës, Bajram Krasniqi, tha për media se rreth orës 16:15, policia është njoftuar për një aksident trafiku të ndodhur në rrugën nacionale Prishtinë-Pejë (fshati Koreticë).
- Advertisement -
“Sipas patrullës policore në aksident janë përfshirë tri automjete. Si pasojë e aksidentit dy persona kanë marrë ndihmë mjekësore. Njësia policore është marrë me procedurat në vend-ngjarje”, tha ai.
