Kryeministri i Kosovës, Albin Kurti, ka konfirmuar se do të mbajë një adresim për media gjatë orëve të pasdites direkt nga ndërtesa e Kryeministrisë.
Tema kryesore e këtij adresimi do të jetë situata e tensionuar politike dhe dekreti i fundit i nxjerrë nga Presidentja Vjosa Osmani për shpërndarjen e legjislaturës së tetë të Kuvendit.
- Advertisement -
Kurti dha këtë deklaratë të shkurtër duke lënë të kuptohet se lëvizja e radhës e ekzekutivit do të bëhet e ditur vetëm nga selia e qeverisë, duke shmangur kështu ballafaqimin e drejtpërdrejtë në takimin e thirrur nga Presidentja.
Ky paralajmërim vjen në një kohë kur i gjithë opinioni publik është në pritje të datës së zgjedhjeve të reja dhe sqarimit të raporteve tashmë të krisura mes dy krerëve të shtetit.
