Sot, në Komisionin Qendror të Zgjedhjeve (KQZ), është pritur në takim ambasadori britanik në Kosovë, Jonathan Hargreaves.
Fillimisht, kryesuesi i KQZ-së, Kreshnik Radoniqi, e priti ambasadorin në zyrën e tij, ndërsa më pas ai vizitoi ambientet e punës të KQZ-së dhe dhomën operative.
“Radoniqi e falënderoi ambasadorin Hargreaves për mbështetjen e vazhdueshme që Qeveria e Mbretërisë së Bashkuar i ka dhënë KQZ-së, veçanërisht në zhvillimin e softuerit të ri për transmetimin e rezultateve dhe statistikave nga vendvotimet, si dhe për përmirësimin e proceseve që zhvillohen në Qendrën e Kontrollit dhe në Qendrën e Numërimit dhe Rezultateve”, thuhet në njoftimin e KQZ-së.
Postimi i plotë:
Sot, në Komisionin Qendror të Zgjedhjeve mirëpritëm ambasadorin britanik në Kosovë, Jonathan Hargreaves.
Fillimisht, kryesuesi i KQZ-së, Kreshnik Radoniqi priti në zyrën e tij ambasadorin britanik, i cili më pas vizitoi ambientet e punës në KQZ dhe dhomën operative.
Radoniqi e falënderoi ambasadorin Hargreaves për mbështetjen që Qeveria e Mbretërisë së Bashkuar i ka dhënë KQZ-së në zhvllimin e softuerit të ri për transmetimin e rezultateve dhe statistikave nga vendvotimet dhe procesin që zhvillohet në QKN dhe QNR.
Nga ana e tij, ambasadori britanik uroi për proces zgjedhor të mbarë dhe përgëzoi stafin e KQZ-së për punën në organizimin e zgjedhjeve.
