Gjykata e Apelit të Posaçëm ka lënë në fuqi masën e sigurisë “arrest në burg” për kryebashkiakun e Tiranës, Erion Veliaj.
Në seancën e së hënës, Veliaj nuk ishte i pranishëm, por u përfaqësua nga avokati Ermir Beta.
Për të njëjtën dosje hetimore, togat e zeza lanë në fuqi masën “arrest në shtëpi” për biznesmenin Elman Abule.
Në këtë mënyrë, togat e zeza lanë të pandryshuar vendimin e datës 23 prill të Apelit të Posaçëm.
Ndërkohë, nga ana tjetër, masa e dhënë më 13 mars po shqyrtohet në Gjykatën e Lartë, me pretendimin e shkeljeve procedurale dhe, sipas palës mbrojtëse, nuk është proporcionale.
Sipas avokatëve, Veliaj ka ofruar garanci pasurore dhe nuk paraqet rrezik për prishjen e provave – pretendim që nuk është pranuar nga togat e zeza.
Mbi kryebashkiakun e Tiranës rëndojnë tre akuza: pastrim parash, korrupsion pasiv në 9 raste, dhe fshehje pasurie, e cila iu shtua para disa ditësh.
Ai u prangos më 10 shkurt me urdhër gjykate, ndërsa ka kundërshtuar disa herë publikisht akuzat.
Pas komunikimit të masës, Veliaj mbahet në ambientet e paraburgimit të Durrësit.
