NUK DO TA BESONI KU U FSHEH! Policia arreston “Oskarin e mbeturinave” pas një ndjekjeje filmike
Një i dyshuar në Ohajo të SHBA-së, i cili po tentonte t’i shpëtonte policisë pas një ndalese në trafik, ka zgjedhur vendin më të pazakontë për t’u fshehur: një kosh mbeturinash. Ai u zbulua rastësisht nga një punëtor i pastrimit, i cili njoftoi menjëherë autoritetet.
Një tentativë për arratisje në Ohajo ka përfunduar në mënyrën më qesharake të mundshme. Një person i kërkuar nga policia, pasi braktisi automjetin e tij gjatë një ndalese trafiku, mendoi se kishte gjetur vendin perfekt për t’u fshehur, por llogaritë i dolën gabim.
Pamjet e publikuara nga kamerat e policisë tregojnë momentin kur i dyshuari kërcen jashtë një koshi mbeturinash dhe nis të vrapojë sërish, përpara se oficerët ta neutralizonin. Ishte një punëtor i pastrimit ai që e pikasi “mysafirin” e paftuar brenda koshit dhe njoftoi policët që po krehnin zonën.
Departamenti i policisë, me një dozë humori, i ka vënë të arrestuarit nofkën “Oscar the Grouch” (personazhi i famshëm që jeton në kosh mbeturinash).
“Si për fat, ‘Oskari’ ynë u shfaq në vendin dhe kohën e duhur për ne, por në vendin më të gabuar për të,” deklaroi policia lokale pas arrestimit. I dyshuari tashmë ndodhet në paraburgim dhe përballet me akuza të reja për rezistencë ndaj autoriteteve.
