Policia e Kosovës ka njoftuar se të mërkurën janë arrestuar katër shtetas të Turqisë në Aeroportin Ndërkombëtar “Adem Jashari” në Prishtinë.
Sipas policisë, të arrestuarit dyshohen se prezantuan leje qëndrime të falsifikuara.
- Advertisement -
Po ashtu, Policia ka theksuar se të dyshuarit janë dërguar në mbajtje.
“Në katër raste të ndara me datën, lokacionin dhe kohën e lartcekur janë arrestuar katër të dyshuar meshkuj shtetas të Turqisë pasi që në kontroll të dokumenteve kanë prezantuar leje qëndrimi që dyshohet të jenë të falsifikuara. Lidhur me rastet dokumentet e dyshuara janë konfiskuar ndërsa me vendim të prokurorit të dyshuarit janë dërguar në mbajtje”, theksohet në raportin 24-orësh të Policisë së Kosovës.
