Kryetari i sapozgjedhur i Kuvendit të Kosovës, Dimal Basha, ka thënë se ky institucion dhe vet shteti është i ndërtuar mbi sakrifica shumëvjeçare.
“Ky institucion është zemra e demokracisë sonë, vendi ku përfaqësohen zërat e të gjithë qytetarëve. Republika jonë është e ndërtuar mbi sakrifica dhe mbi besimin e përbashkët se liria dhe shteti ynë janë më të mëdha se çdo interes i përveçëm. Republika jonë është e ndërtuar mbi sakrifica të panumërta, mbi gjakun, mundin dhe qëndresën e atyre që besuan se e ardhmja e kombit ishte më e rëndësishme se vet jeta e tyre”, ka thënë mes tjerash ai.
- Advertisement -
Ai gjatë fjalimit të tij ka nderuar historinë e grave dhe figura publike të cilat ndikuan në shtetndërtimin e Kosovës në etapa të ndryshme kohore.
