Partia Demokratike e Kosovës (PDK) ka përzgjedhur qytetin e Ferizajt për të shënuar hapjen zyrtare të fushatës së saj elektorale për zgjedhjet parlamentare të 7 qershorit 2026. Përmes një konference të jashtëzakonshme për medie, kandidati i këtij subjekti për Kryeministër, Bedri Hamza, ka shpallur fillimin e asaj që e quan “rrugëtimi për ndryshimin e Kosovës”.
Mesazhi qendror: “STOP krizës”
Në deklaratën e tij drejtuar qytetarëve, Hamza ka përdorur një ton mobilizues, duke vënë theksin te nevoja urgjente për të ndryshuar drejtimin ekonomik dhe politik të vendit. Sipas tij, fushata e PDK-së do të bazohet në tri shtylla kryesore: zhvillimin, dinjitetin dhe bashkimin qytetar.
“Sonte, nga Ferizaj, e nisim rrugëtimin tonë për t’i thënë STOP krizës dhe për ta ndryshuar Kosovën. Me respekt për qytetarët, me vizion për shtetin dhe me besim tek demokracia, po hyjmë në këtë fushatë,” ka thënë Hamza.
- Advertisement -
Tubimi i parë madhor në shesh
Hapja e fushatës do të jetë e hapur për të gjithë simpatizantët dhe qytetarët, duke u organizuar në ambient të hapur. PDK-ja ka bërë thirrje për pjesëmarrje masive në tubimin që do të mbahet sonte:
-
Vendi: Sheshi para Komunës së Ferizajt
- Advertisement - -
Ora: 20:00
Zgjedhja e Ferizajt si pikënisje tregon qartë strategjinë e PDK-së për të demonstruar forcën në një prej bastioneve të saj kryesore në nivel lokal. Ky tubim pritet të shpërfaqë pikat kyçe të programit të tyre qeverisës dhe të rrisë temperaturën elektorale në vend.
ILC dhe stormkosova, do të provoj të jetë në terren për t’ju sjellë lajme dhe detaje të drejtpërdrejta nga këto organizime.
Kërcënim makabër ndaj Ardian Gjinit: “Urimi” për vdekje trondit fushatën
