Kryetari i Partisë Demokratike të Kosovës (PDK), Bedri Hamza, është takuar sot me ambasadorin William Walker.
“Ditën e sotme e nisa me mikun e madh të Kosovës, Ambasadorin William Walker. Në ditët e nderimit për viktimat e Masakrës së Reçakut, si çdo vit tjetër, Ambasadori Walker është pranë nesh, ashtu siç ishte edhe në janarin e vitit 1999, kur me guxim i dha jehonë botërore krimit serb në Reçak dhe nuk lejoi që e vërteta të mbetej e heshtur.”
- Advertisement -
Hamza ka shkruar se miqësia dhe kontributi i Ambasadorit William Walker për Kosovën janë të jashtëzakonshme.
“Faleminderit për gjithçka që ke bërë për Kosovën, Ambasador!”.
