Modelja Juliana Nura ka reaguar pas ndeshjes Serbi–Shqipëri, për të cilën ajo kishte premtuar se do të ishte prezente në stadium.
Por ky premtim nuk u mbajt nga modelja.
Përmes një postimi në rrjetet sociale, Juliana ka zbuluar arsyen e mungesës.
“Serbia ka lëshuar urdhër arresti ndaj meje dhe tre personave të tjerë, ndaj ndikimi im nga burgu nuk do të kishte qenë në favor të askujt (veç serbëve). Për këtë arsye vendosa të festoj dhe të gëzoj fitoren nga liria”, ka shkruar ajo në postimin e saj.
Modelja pretendon gjithashtu se, pavarësisht rrethanave, roli i saj në mediet e rajonit është bërë gjithnjë e më i rëndësishëm.
“Me punën time mediatike jam bërë faktor edhe më i madh për mediet e Ballkanit”, shtoi ajo, duke lënë të kuptohet se ndikimi i saj shkon përtej kufijve.
