Në fjalimin e tij në Knesset, presidenti amerikan dha shenja se mund ta bëjë një lloj marrëveshjeje me Iranin.
Të njëjtën deklaratë e përsëriti në Sharm el-Sheikh përkrah presidentit të Egjiptit, Abdel Fattah al Sisi, duke thënë se Irani “dëshiron të bëjë një marrëveshje”.
“Mendoj se Irani do të vijë; ata janë goditur dhe plagosur. Ata kanë nevojë për ndihmë, siç e dini, kanë sanksione të mëdha… Do të doja shumë t’i hiqja sanksionet kur të jenë gati të flasin”.
“Sinqerisht, nëse nuk do t’i kishim goditur për çështjen bërthamore, nuk mendoj se do të kishit qenë në gjendje të kishit arritur këtë marrëveshje të jashtëzakonshme që ndodh vetëm një herë në jetë. Irani bëri një deklaratë ku thoshte se e mbështet këtë marrëveshje me gjithë zemër”, shtoi Trump.
Kur një gazetar pyet se kur do të fillojnë bisedimet për zbatimin e pjesës së dytë të planit të tij të paqes, Trump përgjigjet se ato tashmë kanë filluar “për sa na përket neve”.
“Fazat janë paksa të përziera me njëra-tjetrën”, thotë ai.
