Presidenti Joe Biden tha të martën se qeveritë e Izraelit dhe Libanit kanë pranuar një propozim për t’i dhënë fund konfliktit shkatërrues midis Izraelit dhe Hezbollahut.
Propozimi synon të arrijë një ndërprerje 60-ditore të armiqësive me Hezbollahun që mund të përbëjë bazën e një armëpushimi të qëndrueshëm.
“Dua të falënderoj presidentin Macron të Francës për partneritetin e tij në arritjen e këtij momenti për gati 14 muaj, një konflikt vdekjeprurës që shpërtheu përtej kufirit që ndan Izraelin dhe Libanin, një konflikt që filloi një ditë pas sulmit të 7 tetorit nga Hamasi ndaj Izraelit”, shtoi Biden.
Biden tha se pranimi i propozimit të Izraelit dhe Libanit për t’i dhënë fund konfliktit “na sjell më afër realizimit të agjendës afirmative” të presidencës së tij, e cila parashikon se Lindja e Mesme është “në paqe dhe prosperitet dhe e integruar përtej kufijve”.
“Një e ardhme ku palestinezët kanë një shtet të tyren; ai që përmbush aspiratat legjitime të popullit të tij dhe një që nuk mund të kërcënojë Izraelin ose të mbajë grupe terroriste me mbështetje nga Irani. Një e ardhme ku izraelitët dhe palestinezët gëzojnë masa të barabarta sigurie, prosperiteti dhe po, dinjiteti”, tha Biden gjatë fjalimit nga Kopshti i Trëndafilave.
Me marrëveshjen sipas Biden, Izraeli “ruan të drejtën për vetëmbrojtje” nëse Hezbollahu “ose dikush tjetër” thyen marrëveshjen e sapo shpallur.
“Më lejoni të jem i qartë, nëse Hezbollahu ose dikush tjetër thyen marrëveshjen dhe përbën një kërcënim të drejtpërdrejtë për Izraelin, atëherë Izraeli ruan të drejtën për vetëmbrojtje, në përputhje me ligjin ndërkombëtar”.
Marrëveshja “paralajmëron një fillim të ri për Libanin” dhe ndihmon kombin të ruajë sovranitetin e tij, tha Biden. Ai shtoi se asnjë trupë amerikane nuk do të vendoset në Libanin jugor.
Biden shtoi se populli i Gazës gjithashtu “meriton dhe përfundimin e luftimeve dhe zhvendosjes”, ndërsa sulmet izraelite vazhdojnë në atë territor të rrethuar.
Tutje ai tha se ushtria libaneze do të marrë përsëri territorin e saj.
“Gjatë 60 ditëve të ardhshme, Izraeli gradualisht do të tërheqë forcat dhe civilët e tij të mbetur – civilët nga të dyja palët së shpejti do të jenë në gjendje të kthehen të sigurtë në komunitetet e tyre dhe të fillojnë të rindërtojnë shtëpitë e tyre”, tha Biden.
Presidenti amerikan Joe Biden tha se marrëveshja e armëpushimit midis Izraelit dhe Libanit do të hyjë në fuqi duke filluar nga ora 4 e mëngjesit me orën lokale të së mërkurës.
