Kuvendi Kosovës pritet të mbajë një seancë të jashtëzakonshme, ku pikë kryesore e diskutimit do të jenë komunikimet e kryetares së Grupit Parlamentar të Lëvizjes Vetëvendosje, Mimoza Kusari – Lila me kriminelin Milan Radojçiq.
Opozita ka dalë me propozim rezolutë për të hetuar e shkarkuar Kusari-Lilën.
Në bisedën telefonike të publikuar, ajo dëgjohet teksa koordinohet me Radojçiqin në lidhje me votimin e Ligjit për Pagën Minimale dhe një gjykatësi të kushtetueses.
Ky i fundit kishte shprehur gatishmërinë për t’i dhënë votat, por se e kishte kushtëzuar me plotësimin e disa kërkesave, të cilat as në telefonatë e as pasi ajo u publikua nuk janë zbuluar se për cilat bëhet fjalë.
Kusari-Lila nuk ka pranuar se ka folur me kriminelin e kërkuar nga Kosova, por ka thënë se ato biseda ishin të montuara.
Në të njëjtën ditë, Grupi Parlamentar i Lëvizjes Vetëvendosje, ka paralajmëruar një konferencë për media, por nuk ka dhënë sqarime se për cilën arsye po e mbanë.
