Shefi i grupit parlamentar të AAK-së, Besnik Tahiri, e përshkroi si “dinamike” ditën e djeshme, ndërsa folli për zhvillimet në Kryesinë e Kuvendit dhe për “kalkulime elektorale”.

“Dje ishte një ditë dinamike, por mbi të gjitha dëshmi se institucionet tashmë po funksionojnë në frymën e përgatitjeve për zgjedhje. Pse?”, shkroi ai.

“Në Kryesi, qasja e GP të VV-së ishte e ngurtë, pasi çdo iniciativë e opozitës po refuzohet. Rezoluta për vlerat e lirisë nuk u fut në rend dite si pikë e parë, qëndrim i pabesueshëm dhe dëshmi e standardeve të dyfishta. Kjo mungesë vullneti nuk është rastësi, por reflektim i kalkulimeve elektorale”, shtoi Tahiri në një postim në Facebook.

Postimi i plotë:

Dje ishte një ditë dinamike, por mbi të gjitha dëshmi se institucionet tashmë po funksionojnë në frymën e përgatitjeve për zgjedhje. Pse?

Në Kryesi, qasja e GP të VV-së ishte e ngurtë, pasi çdo iniciativë e opozitës po refuzohet. Rezoluta për vlerat e lirisë nuk u fut në rend dite si pikë e parë, qëndrim i pabesueshëm dhe dëshmi e standardeve të dyfishta. Kjo mungesë vullneti nuk është rastësi, por reflektim i kalkulimeve elektorale.

Ndërkohë, proceset formale vazhdojnë: intervistimi për Gjykatën Kushtetuese përfundoi me 6 emra për seancë, ndërsa në Komisionin për Legjislacion u vendos që të martën të intervistohen 23 kandidatët për KGJK-në.

Kur i sheh të gjitha bashkë, bllokadat, refuzimet dhe vonesat, është e qartë se fokusi nuk është më vendimmarrja, por pozicionimi politik.

Era e zgjedhjeve po ndihet qartë.

Instituti Hidrometeorologjik i Kosovës (IHMK) njofton se sot mban mot me diell dhe vranësira të shpërndara.

Vranësirat vende-vende mund të sjellin riga shiu.

“Temperaturat minimale: -1-2°C, temperaturat maksimale: 9-12°C, era fryn nga veriperëndimi 1-4m/s”, njofton IHMK.

Deputeti i Lëvizjes Vetëvendosje (LVV), Enver Haliti, ka komentuar deklaratat e ish-presidentes Vjosa Osmani në intervistën e saj të fundit duke thënë se ato kanë ndryshuar me kalimin e kohës dhe pozitës së saj institucionale.

Në Debat Plus, Haliti tha se asnjë parti politike nuk e preferon opsionin e zgjedhjeve të jashtëzakonshme dhe se aktualisht nuk ekziston vullnet i deklaruar.

I pyetur për deklaratën e Osmanit, ku ajo kishte thënë se “sa më shumë i afrohesha numrit të nevojshëm të votave, aq më shumë ma rrisnin pragun”.

Haliti u shpreh se një pretendim i tillë nuk qëndron, duke theksuar se për zgjedhjen e presidentit nevojiten 80 vota në dy raundet e para, ndërsa nuk është arritur një numër i tillë.

“Nuk besoj që ka rritur pragun, sepse e dimë sa vota duhen për zgjedhjen e presidentit”, ka thënë ai.

Sipas Halitit, deklaratat e mëhershme të Osmanit, kur ajo ishte në pozitë, kanë qenë të ndryshme krahasuar me ato aktuale, duke lënë të nënkuptohet se qëndrimet e saj kanë ndryshuar pas përfundimit të mandatit.

“Kështu që nuk mund të themi që atë që ka thënë Osmani, unë shohë që deklaratat e mëhershme derisa ka qenë në pozitë kanë qenë pak më ndryshe, tash që ka përfunduar mandatin mu dukej se disa deklarata i pat ndryshe. [Osmani po ndryshon?] Po me deklaratat e saj”, ka deklaruar ai.