Ish-pjesëtari i Ushtrisë Çlirimtare të Kosovës, Bahri Shala, prej vitesh përballet me probleme ekonomike, pasi mbështetet kryesisht në pensionin e veteranit dhe në punët që i gjen herë pas here.
Një vendim i ri i Gjykatës Supreme i hap atij mundësi për kontratë të rregullt pune, pa humbur të gjithë pensionin.
Por, a do të sjellë kjo më në fund lehtësim për mijëra veteranë? /REL
Debati mes Duda Baljes dhe Rasim Demirit u ashpërsua me tone të larta dhe ndërhyrje të shpeshta nga të dyja palët.
Gjatë diskutimit për kontestin rreth kandidimit dhe certifikimit të Ena Krasniqit, vendimin e KQZ-së/PZAP-it dhe akuzat për manipulim politik, Balje ngriti pyetjen se pse Ena nuk ka dalë publikisht në media dhe pse nuk po flet vetë për rastin, ndërsa Demiri kërkoi vazhdimisht qetësi në diskutim, duke i bërë thirrje Baljes të mos e ngrisë zërin.
“Mos u nervozo, s’ki nevojë me ngrit zanin”, u shpreh Demiri gjatë debatit, në emisionin “Kosova Live”.
Nga ana tjetër, Duda Balje u shfaq e acaruar, duke insistuar në qëndrimin e saj dhe duke kërkuar përgjigje publike nga vetë Ena, jo përmes përfaqësuesve politikë.
Sabit Januzi dhe Ismet Bahtijari kanë përfunduar dënimin më 4 tetor 2025, por Haxhi Shalës i ka mbetur edhe një vit për të përfunduar dënimin e tij pasi u shpall fajtor për veprat penale kundër administrimit të drejtësisë.
Sipas një përgjigje me shkrim për “Betimi për Drejtësi”, Zyra për Informim e Dhomave të Specializuara të Kosovës (DhSK) në Hagë, ka njoftuar se Haxhi Shala do të përfundojë dënimin e tij më 11 dhjetor 2026.
“Sabit Januzi dhe Ismet Bahtijari përfunduan vuajtjen e dënimeve të tyre më 4 tetor 2025. Z. Shala do ta përfundojë vuajtjen e dënimit më 11 dhjetor 2026”, thuhet në përgjigjen e DhSK-së.
Ndryshe, kryetarja e Dhomave të Specializuara të Kosovës në Hagë, Ekaterina Trendafilova ka vendosur të refuzojë modifikimin e dënimit ndaj Haxhi Shalës, i cili është dënuar me 3 vjet burgim për vepra penale kundër administrimit të drejtësisë, ndonëse ka kaluar 2/3 e dënimit në burg.
Kryetarja e DhSK-së në vendimin e saj ka thënë se sipas raporteve nga administratorja dhe Qendra e Paraburgimit, Shala nuk ka shprehur pendesë apo keqardhje lidhur me ato se çfarë ka bërë dhe për të cilat është dënuar, si dhe nuk ka dhënë ndonjë tregues se nuk do të angazhohej në sjellje të ngjashme.
Sipas raporteve, Shala kishte biseduar vetëm për çështje të përgjithshme me stafin e Qendrës së Paraburgimit dhe nuk është përfshirë në biseda rreth çështjes së tij apo veprave penale për të cilat është dënuar. Mirëpo, thuhet se ai kishte pretenduar se ka shprehur keqardhje dhe pendesë përmes avokatit të tij, në seancën kur është shpallë dënimi.
Ndryshe, më 19 shkurt 2025 është marrë vendimi për lirimin me kusht të Ismet Bahtijarit dhe Sabit Januzit të cilët ishin dënuar me nga dy vite burgim pas marrëveshjes së pranimit të fajësisë në të njëjtin rast.
Më 4 shkurt 2025, është shpallur aktgjykimi ndaj tre të akuzuarve, me ç’rast trupi gjykues i pranoi marrëveshjet për pranimin e fajësisë. Kështu, Haxhi Shala u dënua me tri vite burgim dhe Bahtijari e Januzi me nga dy vite.
Trupi gjykues urdhëroi Shalën që të paguaj 400 euro për viktimën 1 ndërsa Januzin me 100 euro. Obligime financiare nuk u përcaktuan për Bahtijarin. Ky obligim është kryer dhe viktimës më 17 shkurt 2025 i janë dorëzuar mjetet.
Sabit Januzi, Haxhi Shala dhe Ismet Bahtijari pranuan fajësinë për veprat penale kundër administrimit të drejtësisë dhe atë të frikësimit përmes një marrëveshje të arritur në mes tyre dhe Zyrës së Prokurorit të Specializuar.
Kjo marrëveshje u arrit pak ditë para se të nisë gjykimi ndaj tyre në nëntor të 2024-ës. Shala ishte pajtuar për burgim me tri vite, Januzi me dy deri në dy vite e gjysmë, kurse Bahtijari për dy vite burgim.
Gjatë seancave për ndryshim të deklaratave të fajësisë, Bahtijari dhe Januzi ishin shprehur të penduar për krimet për të cilat e pranuan që i kanë bërë.
Zyra e Prokurorit të Specializuar (ZPS) kishte dorëzuar më 12 janar 2024 aktakuzën e përbashkët për çështjen gjyqësore të Sabit Januzit dhe Ismet Bahtijarit dhe atë të Haxhi Shalës.
Aktakuza ndaj tyre është ngritur më 4 tetor 2023, me të cilën ngarkohen se kanë tentuar të bindnin një dëshmitar të mos japë dëshmi.
Sa i takon aspektit procedural, më 8 shkurt 2024, gjyqtari i procedurës paraprake Nicolas Guillou ka miratuar kërkesën e Zyrës së Prokurorit të Specializuar (ZPS) për bashkimin e aktakuzave të konfirmuara në çështjen gjyqësore ndaj Ismet Bahtijarit dhe Sabit Januzit me atë të Haxhi Shalës.
Në vendimin për bashkimin e aktakuzave thuhet se, gjyqtari i procedurës paraprake ka konstatuar se dy aktakuzat e konfirmuara në rastin 10 dhe 11 i ngarkojnë tre të akuzuarit për vepra të njëjta penale, duke specifikuar që kanë vepruar si grup. Po ashtu, në vendim thuhet se, vërehet që aktakuzat e konfirmuara në këto dy raste lindin nga të njëjtat pretendime faktike. Si rrjedhojë, u vendos që çështja e përbashkët do të vazhdojë me numrin KSC-BC-2023-10, i cili do të riemërohet në atë mënyrë që të përfshihen të tre të akuzuarit.
Megjithatë, akuza të reja u shtuan edhe për Bahtijarin dhe Januzin për frikësim përmes premtimit apo dhuratës. Këto akuza u përfshinë në aktakuzën e përbashkët ndaj tre të akuzuarve si dhe ndryshimet në atë u konfirmuan më 8 korrik 2024. Si rrjedhojë, ZPS-ja kishte dorëzuar më 10 korrik aktakuzën e përbashkët së bashku me ndryshimet përkatëse.
Ashtu sikurse për akuzat paraprake, Bahtijari dhe Januzi ishin deklaruar të pafajshëm. Kjo situatë ndryshoi edhe datat që ishin vendosur për kalimin e çështjes te trupi gjykues, ku fillimisht ishte caktuar data 21 qershor, pastaj 5 dhe 22 korrik 2024.
Vlen të theksohet se, Shala kishte kërkuar që procesi i tij të ndahet nga Bahtijari dhe Januzi, në mënyrë që të ketë një gjykim më të përshpejtuar, por kjo kërkesë ishte refuzuar.
Çështja ndaj këtyre tre të akuzuarve i kaloi trupit gjykues më 4 shtator, ku më pas, në seancat përgatitore, u vendos që gjykimi të fillojë me 14 nëntor 2024. Por, me kërkesën e palëve për t’i finalizuar marrëveshjet për pranimin e fajësisë, gjykimi u shty.
Më 13 nëntor, ZPS-ja informoi trupin gjykues që kanë arritur marrëveshjen e pranimit të fajësisë me tre të akuzuarit dhe, më 6 dhjetor, ZPS-ja kishte dorëzuar versionin e rishikuar të aktakuzës, ashtu siç kishte urdhëruar trupi gjykues, duke përfshirë edhe marrëveshjet për pranimin e fajësisë. Në aspektin procedural, marrëveshjet e arritura mes Shalës dhe Januzit ishin pranuar, kurse ajo e Bahtijarit u cilësua se kishte mangësi procedurale.
Megjithatë, më 16 dhjetor, palët kishin informuar trupin gjykues se kishin arritur një marrëveshje të re të fajësisë me Bahtijarin dhe ia dorëzuan atë trupit gjykues. Lidhur me këtë, palët kishin dorëzuar më 17 dhjetor 2024 aktakuzën e rishikuar, e cila në bazë ishte ajo e 10 korrikut 2024, por përfshinte edhe ndryshimet e bëra të asaj të 17 dhjetorit lidhur me marrëveshjet për pranimin e fajësisë.
Si rrjedhojë, në seancën e 18 dhjetorit, Shala dhe Januzi u deklaruan fajtorë për krimet që kanë kryer si dhe u pranua proceduralisht marrëveshja e arritur mes ZPS-së dhe Bahtijarit. Ndërsa, më 19 dhjetor Bahtijari u shpreh i penduar dhe fajtor.
Zyra e Prokurorit të Specializuar (ZPS) kishte dorëzuar më 12 janar 2024 aktakuzën e përbashkët për çështjen gjyqësore të Sabit Januzit dhe Ismet Bahtijarit dhe atë të Haxhi Shalës.
Në seancën e parë, para gjyqtarit të procedurës paraprake, Nicolas Guillou, Bahtijari dhe Januzi janë deklaruar të pafajshëm për akuzat që iu vihen barrë nga Zyra e Prokurorit të Specializuar.
Gjithashtu, më 8 korrik janë bërë ndryshime në aktakuzën e përbashkët ku janë shtuar akuzat ndaj Bahtijarit dhe Januzit për frikësim përmes premtimit ose dhuratës, e cila përkufizohet edhe me Kodin Penal të Kosovës.
Aktakuza ndaj tyre është ngritur më 4 tetor 2023, me të cilën ngarkohen se kanë tentuar të bindnin një dëshmitar të mos japë dëshmi.
Ata akuzohen për përpjekje për pengim të personave zyrtarë për kryerjen e detyrës zyrtare, me anë të kërcënimit të rëndë, midis më së paku 5 dhe 12 prillit 2023, vepër penale kundër rendit publik, e ndëshkueshme në bazë të neneve 17, 21, 28, 31, 33, 35 dhe 401 (1) dhe (5) të KPK-së, dhe neneve 15 (2) dhe 16 (3) të Ligjit.
Po ashtu, për përpjekje për pengim të personave zyrtarë për kryerjen e detyrës zyrtare, me anë të pjesëmarrjes në veprimin e përbashkët të një grupi, midis më së paku 5 dhe 12 prillit 2023, vepër penale kundër rendit publik, e ndëshkueshme në bazë të neneve 17, 21, 28, 33, 35, dhe 401 (2) dhe (5) të KPK-së, dhe neneve 15 (2) dhe 16 (3) të Ligjit. Po ashtu, për përpjekje për frikësim gjatë procedurës penale, midis më së paku 5 dhe 12 prillit 2023, vepër penale kundër administrimit të drejtësisë dhe administratës publike, e ndëshkueshme në bazë të neneve 17, 21, 31, 33, 35 dhe 387 të KPK-së, dhe neneve 15(2) dhe 16 (3) të Ligjit.
Më 6 tetor, në një njoftim të Zyrës së Prokurorit të Specializuar është thënë se Ismet Bahtijari dhe Sabit Januzi janë arrestuar dhe transferuar në Hagë nën dyshimin se kanë tentuar të bindnin një dëshmitar të mos japë dëshmi.
Sipas aktakuzës, Sabit Januzi dhe Ismet Bahtijari, përmes kërcënimit të rëndë dhe veprimit të përbashkët të një grupi personash në të cilin të dy morën pjesë, tentuan të pengonin persona zyrtarë, si gjykatës, prokurorë, zyrtarë të gjykatës, zyrtarë të prokurorisë apo persona të autorizuar nga gjykata ose prokuroria, në kryerjen e detyrave zyrtare.
Kurse, në aktakuzën e 12 dhjetorit 2023, Kryeprokurorja e Specializuar, Kimberly West akuzon Shalën për frikësim të dëshmitarëve, tentativë me anë të kërcënimit të rëndë për të penguar personat zyrtarë në kryerjen e detyrave zyrtare individualisht dhe me pjesëmarrje në grup. /BetimipërDrejtësi
Shënim: Personat e përmendur në këtë artikull konsiderohen të pafajshëm, përveç nëse nga gjykata vërtetohet se janë fajtorë me vendim të formës së prerë.
Presidentja e Kosovës, Vjosa Osmani, ka njoftuar për një takim me Papa Leonin XIV në Selinë e Shenjtë, duke e quajtur audiencën private “nder të veçantë”.
Ajo tha se në takim e ftoi Papën që ta vizitojë Kosovën.
“Gjatë takimit i përcolla sërish urimet më të përzemërta për fillimin e misionit të tij, si dhe shpresën që pontifikati i tij të sjellë dritë, kurajë dhe mbështetje për njerëzit në nevojë anembanë botës. Përcolla poashtu ftesën e përzemërt për një vizitë të tij në Republikën e Kosovës, e cila do të pritej me shumë dashamirësi nga të gjithë qytetarët tanë”, shkroi Osmani në një postim në Facebook.
Presidentja tha se me Papën bisedoi për rolin e Kosovës, thellimin e bashkëpunimit dhe kërkesën që Selia e Shenjtë ta njohë pavarësinë e vendit.
“Biseduam për rolin e Kosovës, tokës sonë dardane, si vend që ka ndërtuar paqe dhe harmoni ndërfetare mbi përvojën e saj historike të qëndresës dhe sakrificës. Diskutuam gjithashtu për thellimin e bashkëpunimit në fusha që prekin drejtpërdrejt mirëqenien e qytetarëve tanë, me shpresën që Selia e Shenjtë do të marrë së shpejti vendimin e shumëpritur për njohjen formale të Republikës së Kosovës”.
Osmani tha se “Kosova mbetet e përkushtuar t’i forcojë marrëdhëniet me Selinë e Shenjtë dhe ta avancojë miqësinë tonë historike, duke u udhëhequr nga vlerat që na bashkojnë”.
“Në frymën e festës së Krishtlindjes, ndamë dëshirat e përbashkëta për paqe e harmoni në gjithë botën”.
Ka vdekur shoferi i kamionit që u rrokullis pak më parë në Mazgit, ka konfirmuar zëdhënësi i Policisë Baki Kelani.
Kelani tha për media se vdekjen e viktimës e ka konstatuar ekipi mjekësor.
Ai bëri apel që të respektohen rregullat e trafikut dhe të tregojnë kujdes gjatë pjesëmarrjes në trafik
“Sot, rreth orës 13:00, në segmentin e autostradës Mazgit-Prishtinë, ka ndodhur një vetaksident trafiku me pasoja fatale. Në këtë aksident është përfshirë një mjet i rëndë-kamion, i cili është rrokullisur. Si pasojë e këtij vetaksidenti drejtuesi i kamionit ka humbur jetën, vdekjen e të cilit e ka konstatuar ekipi mjekësor. Në vendin e ngjarjes, përveç njësive policore të cilat janë duke u marrë me rastin, kanë dalë edhe ekipi mjekësor dhe njësia e zjarrfikësve. Policia e Kosovës, vazhdon të apelojë për respektim të rregullave të trafikut dhe për kujdes të shtuar gjatë pjesëmarrjes në trafik”, tha Kelani.
Gjermania do të thellojë angazhimin e saj ndaj mbrojtjes së Ukrainës, bazuar në një plan me 10 pika të zbuluar sot gjatë vizitës së Volodymyr Zelenskyy-t në Berlin.
Të dy vendet do të bashkëpunojnë më ngushtë në kërkimin, sipërmarrjet e përbashkëta dhe prokurimin në fushën e mbrojtjes, me Gjermaninë, mbështetësen më të madhe të Ukrainës në Evropë, që po shqyrton përdorimin e garancive federale të investimeve, sipas një deklarate.
“Një industri e fortë mbrojtëse ukrainase është thelbësore për mbrojtjen kundër luftës së agresionit të Rusisë dhe është një element i rëndësishëm i garancive të sigurisë për të penguar agresionin e ardhshëm rus”, thuhet në dokument.
Sipas planit, të dy ministritë e mbrojtjes do të zhvillojnë gjithashtu konsultime të rregullta të nivelit të lartë, dhe një zyrë ndërlidhëse për industrinë e mbrojtjes ukrainase, Shtëpia e Lirisë së Ukrainës, do të krijohet në Berlin për të forcuar lidhjet e industrisë.
Gjermania do të rrisë gjithashtu praninë e atasheut të saj ushtarak në Kiev dhe do të përshpejtojë shkëmbimet e ekspertëve, sipas deklaratës.
Bayern Mynih-u ka marrë goditje të rëndë pas lëndimit të legjendës së ekipit, portierit, Manuel Neuer.
Ky i fundit u detyrua të largohej nga fusha gjatë barazimit 2-2 kundër Mainz-it në Bundesligë të dielën, për shkak të një dëmtimi në pjesën e pasme të kofshës së djathtë.
Gjatë kontrollit mjekësor, u konfirmua se Neuer kishte një dëmtim të muskulit ‘ischio-krural’ të djathtë, që do ta mbajë Neuer larg fushave për një kohë ende të pacaktuar.
Klubi bavarez bëri të ditur se Neuer do të humbasë me siguri ndeshjen e ardhshme të kampionatit kundër Heidenheim-it, ndërsa stafi mjekësor do të vlerësojë rikuperimin ditë pas dite.
Në mungesë të numrit 1 gjerman, trajneri Vincent Kompany mund t’i besojë portën të riut Jonas Urbig, 22 vjeç, i cili deri tani ka regjistruar dy “porta të pastra” në dy paraqitjet e tij të Bundesligës këtë sezon.
Ky dëmtim është një goditje e rëndë për Bayernin, i cili synon të ruajë kryesimin në Bundesligë dhe të konsolidojë pozicionin në Champions League.
Menaxhimi i emergjencës në portë do të jetë kyç për arritjen e objektivave sezonale të skuadrës bavareze.
Njerëzit që morën të paktën një dozë të një vaksine mRNA kundër COVID-19 kanë një rrezik më të ulët vdekjeje nga të gjitha shkaqet krahasuar me individët e pavaksinuar, ka treguar një studim i ri francez.
Gjetjet tregojnë se, larg rritjes së rreziqeve afatgjata, këto vaksina shoqërohen me ulje të vdekshmërisë gjatë një periudhe katërvjeçare, që nga kulmi i vaksinimit në vitin 2021.
Në Bashkimin Evropian, më shumë se 976 milionë doza vaksine kundër COVID-19 ishin administruar që nga shkurti i vitit 2023, sipas Qendrës Evropiane për Parandalimin dhe Kontrollin e Sëmundjeve dhe programet kanë vazhduar që atëherë me dhjetëra milionë doza shtesë përforcuese çdo sezon.
Studimi, i cili shqyrtoi 28 milionë të rritur francezë të moshës 18 deri në 59 vjeç, zbuloi se individët e vaksinuar kishin një rrezik 74% më të ulët vdekjeje nga COVID-19 i rëndë dhe një rrezik 25% më të ulët të vdekshmërisë nga të gjitha shkaqet.
Studiuesit thanë se rreziku më i ulët i vdekshmërisë ishte pjesërisht për shkak të mbrojtjes së fortë kundër sëmundjeve të rënda, me të rriturit e vaksinuar që kanë shumë më pak gjasa të vdesin nga infeksioni.
I mbijetoi kancerit të gjirit, Covid-19 dhe…/ 101-vjeçarja që kalon dy orë në palestër zbulon dy ushqimet që duhet SHMANGUR…
Ata gjithashtu sugjeruan që më pak ndërlikime që lidhen me COVID-19 të zgjatur mund të kontribuojnë në uljen e përgjithshme të vdekjeve.
Hulumtimi u krye nga Epi-Phare, një grup me interes shkencor i mbikëqyrur nga Agjencia Kombëtare Franceze për Sigurinë e Barnave dhe Produkteve Shëndetësore (ANSM) dhe Fondi Kombëtar Francez i Sigurimeve Shëndetësore.
Ekipi arriti në përfundimin se një lidhje shkakësore midis vaksinimit me ARNi dhe vdekshmërisë së tepërt afatgjatë tani duket shumë e pamundur.
Duke përdorur të dhëna nga Sistemi Kombëtar Francez i të Dhënave Shëndetësore, studimi përfshinte 22.7 milionë persona të vaksinuar midis majit dhe tetorit 2021, dhe 5.9 milionë individë të pavaksinuar që nga 1 nëntori 2021, të cilët u ndoqën për një mesatare prej 45 muajsh.
Studimi është më i madhi deri më sot që shqyrton sigurinë afatgjatë të vaksinave të ARNi-së kundër COVID-19 në popullatën e përgjithshme të të rriturve.
Pjesëmarrësit nuk ishin më të vjetër se 59 vjeç, që do të thotë se gjetjet nuk vlejnë drejtpërdrejt për grupmoshat më të vjetra, të cilat janë më të rrezikuara nga COVID-19.
Gjatë katër viteve të ndjekjes, u regjistruan 98,429 vdekje nga të gjitha shkaqet, 0.4 përqind, midis individëve të vaksinuar, krahasuar me 32,662, 0.6 përqind, midis të pavaksinuarve.
Autorët nuk raportuan rritje të vdekjeve nga kanceri, sëmundjet kardiovaskulare, lëndimet aksidentale ose ndonjë shkak tjetër kryesor; në çdo kategori, personat e vaksinuar kishin shkallë vdekshmërie të barabarta ose më të ulëta se ata që mbetën të pavaksinuar.
Banori i shtëpisë më të madhe në vend, Edi, e ka vënë në pikëpyetje pëlqimin e Dolces karshi tij.
Me mendimin e tij janë pajtuar edhe Kushtrimi e Sasa.
Madje kjo e fundit tha se që nga rikthimi i Dolces në BBVK nga Grande Fratello, ajo është parë më e distancuar me Edin.
“Dje pardje që u largu Labinoti, kjo (Dolce) tha se koka liru një shtrat po shkoj atje. Meniherë ma kapi … por nuk i fola çka e pse”, deklaroi Edi.
Kryetari i Prishtinës, Përparim Rama, ka theksuar rëndësinë e bashkëpunimit të vazhdueshëm me Shtetet e Bashkuara të Amerikës, duke e cilësuar atë si një nga shtyllat kryesore për zhvillimin, stabilitetin dhe vizionin afatgjatë të Kryeqytetit.
Rama bëri të ditur se sot, në Odën e Kryeqytetit, ka pritur Anu Prattipati, Zëvendës-Shefe e Misionit në Ambasadën e SHBA-së në Kosovë. Gjatë takimit, ajo i përcolli urimet për mandatin e ri dhe riafirmoi mbështetjen e vazhdueshme të Shteteve të Bashkuara për Prishtinën dhe zhvillimin e saj të gjithanshëm.
Sipas Ramës, ky partneritet shkon përtej bashkëpunimit institucional dhe përfaqëson një aleancë vlerash, të ndërtuar mbi demokracinë, besimin reciprok dhe vizionin e përbashkët për të ardhmen e Prishtinës.
STORM ofron lajmet dhe përditësimet më të fundit për zhvillimet socio-politike dhe jo vetëm, duke i mbajtur lexuesit të informuar dhe të angazhuar me përmbajtje interesante dhe të rëndësishme, për Kosovën, rajonin dhe botën, në të gjitha segmentet e jetës.
Për informacione: info@storm-rks.com
Për Marketing: marketing@storm-rks.com
© 2024. Storm
