Ushtrimet fizike janë pjesë përbërëse e çdo programi për humbje peshe dhe një mënyrë jetese të shëndetshme.

Nëse palestra dhe stërvitjet intensive nuk janë për ju, ka një lajm të mirë: Ecja mund t’ju ndihmojë të digjni kalori dhe yndyrë.

Humbja e peshës bazohet në konsumimin e më pak kalorive sesa digjni.

Ju duhet të krijoni një deficit kalorish duke djegur më shumë kalori sesa konsumoni.

Çdo aktivitet që bëni gjatë ditës kontribuon në djegien e kalorive.

Edhe pse aktivitetet me intensitet më të lartë si vrapimi djegin më shumë kalori, ecja është ende një mënyrë efektive për të djegur dhjamin, edhe pse është një ushtrim me intensitet të ulët.

Ecja është e mrekullueshme sepse pothuajse çdokush mund ta bëjë atë në çdo kohë, pa pajisje.

Është gjithashtu miqësore me nyjet pasi nuk i sforcon ato.

Shëtitjet e gjata mund të jenë pjesë e rutinës suaj të kujdesit për veten.

Është ideale për ata që sapo kanë filluar të ushtrohen.

Sa ecje duhet të bëni për të humbur peshë?

Kjo varet nga gjendja juaj fizike dhe pesha.

Njerëzit më të shëndoshë djegin më shumë kalori për minutë ecje.

Një shëtitje 30 minuta në ditë djeg rreth 100 deri në 200 kalori.

Me kalimin e kohës, ecja mund të rrisë shkallën tuaj metabolike në pushim (RMR), e cila është shkalla me të cilën digjni kalori kur trupi juaj është në pushim.

Kjo rritje në RMR mund të kontribuojë në djegien e përgjithshme të kalorive gjatë gjithë ditës.

Për të përcaktuar se sa ecje nevojitet për të humbur peshë, duhet të dini gjithashtu se sa kalori konsumoni në mënyrë që të llogaritni deficitin e kërkuar të kalorive.

Mund të filloni me dy shëtitje 15 minuta në ditë ose një shëtitje 30 minuta çdo ditë, e cila djeg rreth 100-200 kalori.

Sa kg mund të humbni në një muaj?

Bazuar në llogaritjet e mësipërme, një person mund të djegë deri në 5600 kalori në muaj vetëm nga ecja, që është rreth 0.72 kg.

Megjithatë, ky numër varet nga pesha e secilit person, niveli i fitnesit dhe aftësia stërvitore.

Është e rëndësishme të theksohet se rezultatet nuk do të jenë menjëherë të dukshme.

Një zakon i vazhdueshëm për të ecur në baza javore do të kontribuojë gradualisht në humbjen e peshës.

Vetmia mund t’ju japë makthe, sugjeron një studim i fundit.

Shkencëtarët amerikanë zbuluan se njerëzit që ndihen të vetmuar përjetojnë më shpesh dhe me intensitet më të madh makthe gjatë gjumit, ndoshta për shkak të stresit që shkaktohet nga mungesa e lidhjeve të forta sociale dhe emocionale.

Në një analizë të të dhënave nga 827 pjesëmarrës, studiuesit gjetën një lidhje midis vetmisë dhe frekuencës së maktheve.

Në një grup të dytë me 782 pjesëmarrës, ata zbuluan se vetmia ndikon edhe në intensitetin e maktheve.

Studimi mbështet teorinë se vetmia tek njerëzit sinjalizon mungesën e mbështetjes dhe suportit social, një nevojë që mesa duket është thelbësore për specien tonë.

Kur mungojnë marrëdhëniet e forta, individët vuajnë fizikisht, mendërisht dhe në aspektin social, gjë që mund të çojë në më shumë stres dhe më shumë makthe.

Pra, siç duket vetmia nuk shkakton probleme fizike dhe mendore vetëm gjatë orëve tona zgjuar, por ajo e gjen një mënyrë dinake për të ndërhyrë tek shpirtrat tanë të trazuar edhe kur jemi thellë në gjumë!