Infeksionet në veshka dhe ato në rrugët urinare janë të përhapura ndjeshëm sidomos në periudhën e vjeshtës.

Infeksionet nisin që nga veshkat e deri në traktin urinar duke u manifestuar me dhimbje, temperaturë dhe djegie.

Problemet me infeksionet nuk duhen anashkaluar sepse i hapin rrugën problemeve të tjera që rëndojnë shëndetin.

Hapi i parë në rastin e këtyre infeksioneve është pirja e sa më shumë ujë dhe lëngje për të nxjerrë bakteret nga organizmi.

Një nga lëngjet më të mira kundër këtyre infeksioneve është ai i shegës, i cili është i pasur me antioksidantë.

Vlerat shëndetësore të Shegës

Shega është e pasur me vitaminë C dhe antioksidantë që luajnë një rol thelbësor në parandalimin e akumulimit të baktereve në veshka dhe rrugët urinare.

Vitamina C forcon imunitetin dhe e bën atë më të aftë të luftojë bakteret ndërsa antioksidantët eliminojnë toksinat.

Një sistem i fortë imunitar ofron një shërim më të shpejtë të këtyre infeksioneve.

Si të përdorni lëngun e Shegës kundër infeksioneve?

Për shëndetin e veshkave dhe të traktit urinar, ekspertët rekomandojnë ngrënien e një shege ose pirjen e lëngut të saj çdo mbrëmje pas darkës.

Pirja e rregullt e lëngut të shegës largon simptomat e infeksioneve dhe rezultatet vërehen shumë shpejt.

Mënyra të tjera për trajtimin e infeksioneve

Përveç shegës, njerëzit që preken shpesh nga infeksionet e rrugëve urinare mund të përdorin disa kura natyrale të cilat ofrojnë një trajtim efikas të problemit Lëngu i limonit është një prej tyre.

Limoni është një burim shumë i pasur i vitaminës C dhe antioksidantësh që krijojnë një mjedis alkalin në organizëm.

Lëngu i limonit pengon rritjen dhe zhvillimin e baktereve dhe nxit urinimin.

Ai nxit eliminimin e toksinave të rrezikshme nga trakti urinar.

Lëngu i boronicës së kuqe parandalon shumimin e baktereve të këqija të rrugëve urinare.

Ajo eliminon toksinat dhe pengon rishfaqjen e infeksionit.

A mendoni se stomaku juaj po ju shqetëson dhe nuk jeni të sigurt nëse është nga diçka që keni ngrënë apo ndonjë virozë?

Helmimi nga ushqimi, ose sëmundja e shkaktuar nga ushqimi, ndodh kur hani ushqim të kontaminuar.

Mikroorganizmat dhe toksinat që shkaktojnë helmim nga ushqimi zakonisht çojnë në simptoma të tilla si dhimbje barku, të vjella dhe diarre.

Këto simptoma mund të ngjajnë me ato të gripit ose infeksioneve të tjera virale.

Por si mund ta kuptoni se çfarë po ndodh?

Simptomat – Helmimi nga ushqimi dhe gastroenteriti ndajnë mjaft simptoma, ndaj është e rëndësishme të njihen dallimet e tyre. Një nga pikat kryesore të dallimit është koha e shfaqjes së simptomave. Nëse ndiheni të sëmurë brenda pak orësh pas vaktit tuaj, ka të ngjarë të jetë helmim nga ushqimi. Në të kundërt, simptomat e gastroenteritit zakonisht shfaqen një ose dy ditë pas ekspozimit ndaj virusit.

Simptomat kryesore të helmimit nga ushqimi

Të vjella

Diarre (e cila mund të përfshijë gjak)

Nauze

Dhimbje stomaku dhe ngërçe

Ethe

Ndjenja e dobësisë

Djersitje e tepruar

Fajtorët më të zakonshëm të helmimit nga ushqimi janë salmonela, kampilobakteri dhe stafilokoku.

Simptomat e mësipërme mund të shfaqen brenda gjysmë ore pas ngrënies së ushqimit të kontaminuar.

Çfarë duhet bërë? – Nëse dyshoni se keni helmim nga ushqimi, është e rëndësishme të kërkoni kujdes të menjëhershëm mjekësor ose të vizitoni spitalin më të afërt. Mos harroni se ajo që keni ngrënë luan një rol të madh, veçanërisht nëse keni konsumuar ushqim deti, kërpudha ose produkte të konservuara që janë më të prirura ndaj toksinave.

Për t’u rikuperuar, sigurohuni që të qëndroni të hidratuar mirë, veçanërisht nëse keni të vjella ose diarre të shpeshta.

Pushoni mjaftueshëm në mënyrë që trupi juaj të mund të luftojë infeksionin.

Në rastet e diarresë ose të vjellave të rënda, mund t’ju duhet një shtesë elektrolite për të zëvendësuar humbjet.

Gjithashtu, preferoni ushqime të lehta për stomakun, si buka, orizi dhe supat.