Prishtina nuk po gjen qetësi.

Këtë herë në Mramor të Prishtinës.

Zëdhëndhësi i policisë për rajonin e Prishtinës, Agron Borovci, njoftoi se vetura e dyshuar është sinjalizuar nga zyrtarët policorë të ndalet në pikë kontrolli, por i njëjti nuk ështa ndalur dhe ka rrezikuar zyrtarët policorë.

Ngjarja ka ndodhur rreth orës 17:30, ku policia ka pranuar informata për gjuajtje me armë zjarri në fshatin Mramor të komunës së Prishtinës.

“Policia menjëherë ka dalë në vendin e ngjarjes, me ç‘rast ka identifikuar një veturë të dyshuar, e cila përkundër sinjalizimit të policisë për tu ndalur në pikë kontrolli e njëjta ka refuzuar duke vozitur me shpejtësi të madhe dhe duke manovruar rrezikshëm, kësisoj duke vënë para rrezikut të drejtpërdrejtë zyrtaret policor. Duke parë rrethanat e ngjarjes policia me shpejtësi ka organizuar edhe një tjetër pikë kontrolli me qëllim ndalimin e veturës së dyshuar porse vetura sërish nuk është ndaluar dhe me manovrime të rrezikshme ka bërë përpjekje të qëllimshme për të goditur zyrtarët policor. Për të shmangur rrezikun e menjëhershëm dhe të drejtpërdrejtë për jetën, zyrtarët policor janë detyruar të përdorin armën e zjarrit. Aktualisht vetura e dyshuar nuk është ndaluar si dhe personat e dyshuar tani për tani janë në arrati. Policia me përkushtim po vijon punën e saj për identifikimin e të dyshuarve të përfshirë në këtë rast si dhe lokalizimin e vendndodhjes së tyre”, ka thënë Borovci.

Ndërsa, apelon qytetarët nese kanë informacione në lidhje me personat e dyshuar të përfshirë në këtë rast të kontaktojë menjëherë policinë

“Siguria e oficerëve dhe qytetarëve tanë mbetet prioriteti ynë më i lartë. I bëjmë thirrje kujtdo që ka informacion në lidhje me personat e dyshuar të përfshirë në këtë rast të kontaktojë menjëherë policinë”, ka thënë ai.

Policia e Kosovës njofton për një aksion kundër shitblerjes së narkotikëve në nivel rrugor.

Rasti është duke u hetuar nga autoritetet kompetente në bashkëpunim me organet e drejtësisë, ka njoftuar ndër tjerash Policia të dielën.

Njoftimi i plotë i Policisë së Kosovës:

Policia e Kosovës, Njësia e antidrogës në Prishtinë gjatë punëve operative në teren dhe luftimin e nivelit rrugor të shitblerjes së paautorizuar të substancave narkotikëve ka mbledhur informata se të dyshuarit me iniciale (L.K. dhe L.L.) të njohur për policinë janë duke u marrë me shitblerje të narkotikëve dhe shitjen e bëjnë nga shtëpitë e tyre që gjenden në Matiqan të Prishtinës.

Është kërkuar lëshimi i urdhëresës nga Gjykata Themelore në Prishtinë për bastisje të shtëpive të të dyshuarve të lartcekur dhe me datën 14.12.2024 rreth 15:00 nën asistencën e NJRSH-së është realizuar operacioni kontrollit ku në shtëpinë e të dyshuarit  L.L. janë gjetur dy armë (revole):

a) Revole Parabellum dhe një karikator me 7 fishek të kalibrit 9mm,

b) Revole Super Sport dhe 12 fishek të kalibrit 9mm, ndërsa i dyshuari L. K. me ti vërejtur policinë ka tentuar të ik nga dritarja me një sasi të narkotikëve në dorë, mirëpo të njëjtin policia e kanë ndaluar dhe arrestuar. Gjatë bastisjes në shtëpinë e tij në pjesë të ndryshme janë gjetur 5 qese të mbushura me substancë të dyshuar narkotike e llojit Marihuanë me peshë të përgjithshme 1503.3 gram, (1 kilogram e 503.3 gram ) dy peshore digjitale që shërbejnë për matje të narkotikëve në sasi të vogla, 50 copë fishek me gas të kalibrit 9mm dhe 1695 euro në bankënota të ndryshme të cilat dyshohet se janë përfituar nga shitja e narkotikëve.

Në lidhje me rastin është kontaktuar Prokurori Kujdestar nga Departamenti i krimeve të Rënda në Prishtinë dhe në konsultim me të, i dyshuari L. K. pas intervistimit është  dërguar  në qendrën e mbajtjes për 48-orë për rastin “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge, ndërsa për të dyshuarin L. L., i cili ndodhet në arrati, Prokurorja ka udhëzuar që rasti të ndahet dhe të procedohet në Departamentin e përgjithshëm.

Në vend të ngjarjes ka dalë Njësia e Forenzikes Rajonale – Prishtinë e cila ka bërë fotografimin dhe konfiskimin e  dëshmive të gjetura si prova materiale.

Rasti është duke u hetuar nga autoritetet kompetente në bashkëpunim me organet e drejtësisë.

Një i mitur është goditur me mjete të forta sonte rreth orës 18:00 në rrugën “Besa Besë” në Fushë-Kosovë.

Kështu ka deklaruar Flora Ahmeti, zëdhënëse në policinë rajonale të Prishtinës.

Lidhur me rastin, ajo tha se po intervistohet një person që dyshohet se ishte përfshirë në rast.

Njoftimi i plotë:

Sot rreth orës  18:00, kemi marrë informatën për një lëndim trupor në rrugën “Besa Besë” në Fushë Kosovë. Bazuar në të dhënat fillestare, dyshohet se në këtë rast nga mjete të forta është lënduar një person (i mitur). I njëjti është dërguar për trajtim mjekësor, ndërkohë që policia ka nisur një hetim lidhur me rrethanat e këtij rasti. Aktualisht nga policia po intervistohet një person i cili dyshohet se ka qenë i përfshirë në rast.