Ambasadori i Gjermanisë në Kosovë, Jorn Rohde, e ka dënuar fuqishëm sulmin në kanalit e ujit në Zubin Potok.

Ai ka shpërndarë postimi e Shefit të Zyrës së BE-së në Kosovë, Aivo Orav, teksa ka bërë thirrje për hetim të plotë dhe vënien e autorëve para drejtësisë. Ka shtuar se Gjermania është e gatshme të mbështes autoritetet e Kosovës.

“Dënoj fuqishëm sulmin në kanalin e ujit në Zubin Potok që prek komunitetet në mbarë Kosovën. U bëjmë jehonë thirrjeve për hetim të plotë dhe vënien e autorëve para drejtësisë. Gjermania është e gatshme të mbështesë autoritetet kosovare”, ka shkruar Rohde në platformën “X”.

Mbi vendin tonë sot do të mbajë mot kryesisht i vranët dhe me reshje shiu dhe bore. Gjatë ditës do të fryjë erë kryesisht nga verilindja me shpejtësi 1-9m/s.

Sipas Institutit Hidrometeorologjik të Kosovës, vlerat e temperaturave minimale do të lëvizin ndërmjet -1 deri në 1 gradë Celsius, ndërsa maksimalet e ditës parashihen të lëvizin ndërmjet 1 deri në 3 gradë Celsius.

“Vikendi parashihet me reshje të dendura të shiut dhe borës. Kjo situatë vije si pasojë e masave të lagështa të ajrit me origjinë jugore. Në shumë vende të ulëta dhe në qytete me infrastrukturë të dobët parashihen vërshime të shpejta”, njofton IHMK.

Ministrja e Ekonomisë, Artane Rizvanolli, ka njoftuar se është siguruar furnizimi i rregullt me energji elektrike për vendin dhe ngrohje qendrore për qytetarët e Prishtinës, pas shpërthimit të mbrëmshëm në Zubin Potok, ku si pasojë u dëmtua kanali i ujit i Ibër Lepencit.

Rizvanolli tha se janë vendosur gjashtë tuba të përkohshëm me kapacitet të mjaftueshëm për të siguruar ujë për ftohjen e termocentralit “Kosova B” dhe se presin që të mos cënohet furnizimi me energji elektrike.

“Në të njëjtën kohë, jemi koordinuar me Korporatën Energjetike të Shqipërisë për të siguruar energji shtesë për të evituar reduktime eventuale”, ka shkruar Rizvanolli.

Ajo e ka cilësuar këtë si akt terrorist, që tha se ka ndikur edhe tek furnizimi me ujë.

Sipas saj, në Prishtinë furnizimi me ujë do të kompensohet nga Badovci dhe Batllava, furnizimi në Fushë Kosovë, Drenas dhe rajonin e Mitrovicës do të sigurohet përmes autobotëve, duke nisur nga mëngjesi i sotëm.

“Qytetarët inkurajohen të ndjekin njoftimet e Kompanive Rajonale të Ujësjellësit për informata të sakta.Faleminderit Ibër Lepencit, Policisë së Kosovës dhe KEK-ut për reagimin e shpejtë, si dhe AME-së dhe KRU-ve, të cilët kanë vënë në dispozicion të gjitha autobotët dhe kapacitetet e nevojshme njerëzore për një zgjidhje emergjente”, ka shkruar Rizvanolli.

Doli për të folur rreth sulmit në veri të vendit, por kryeministri i Kosovës, Albin Kurti, zgjodhi të merret me akuza ndaj opozitës, analistëve dhe disa mediave.

Dy të parët i akuzoi se nuk po ia donë të mirën Kosovën e për disa media tha se ato janë rreshtuar drejtë luftës hibride që po bëhet ndaj qeverisë.

Në lidhje me sulmin ai ka akuzuar Serbinë.

Ka paralajmëruar mbajtjen e Këshillit Kombëtar të Sigurisë dhe takimit me komandantin e KFOR-it.

Kurti gjithashtu ka thënë se vendi gjendet para një situate të vështirë pasi nga e shtuna shumë pjesë të vendit do të mund të mbesin pa energji, ndërsa Prishtina do mbetet pa ngrohje dhe një pjesë pa ujë të pijshëm.

Ai ka thënë se dëmi është i madh dhe duhet kohë për tu sanuar.