Servilizëm apo pasqyrë e realitetit politik? Statusi i deputetit, Haxhi Avdylit në facebook, “bombardohet nga komentet e qytetarëve!”
Një postim i fundit i deputetit Haxhi Avdyli, i cili “ka bërë kalime të shumta mes partive politike në Kosovë”, ka ngjallur një valë të madhe reagimesh. Avdyli, në statusin e tij, ka komentuar mbi situatën politike në vend dhe rolin e opozitës ndaj qeverisë Kurti, duke theksuar se të njëjtët kanë gabuar rëndë duke i quajtur edhe aleatë të Vuçiqit. Ndërkohë që ai i fton të mos ndërhyjnë në “gabimet” e kundërshtarëve, komenti i tij është përballur me kritika nga komentuesit në profilin e tij në “Facebook”.
Shumë komentues e kanë akuzuar Avdylin për “servilizëm” ndaj çdo partie politike, duke përmendur kalimet e tij të herëpashershme nga LDK-ja, te PDK-ja, dhe më pas te Guxo e tash së fundmi edhe në VV, duke e quajtur atë “servil të të gjitha partive”. Reagimet e ashpra nën postim përfshijnë kritika mbi pozicionimet e tij politike dhe mënyrën sesi ai ka levizur me qëndrimet e tij, duke e quajtur të paprinciptë dhe oportunist.
Komentuesit e kanë quajtur Avdylin “servil” dhe “zvarranik” të partive politike, duke e akuzuar për tradhti nga një lider tek tjetri, nga Hashim Thaçi, Isa Mustafa, Vjosa Osmani e deri tek Albin Kurti. Kritikat më të forta erdhën nga një komentues, Ilir Fetahu, i cili e quajti Avdylin një politikan pa dinjitet dhe etikë, duke e kritikuar për pozicionimet e tij oportuniste. Në përgjigje, Avdyli u mbrojt por edhe e mbrojten komentues të tjerë, duke e quajtur veten “shërbëtor i të vërtetës,” por jo-të gjithë qytetarët duket se janë bindur nga arsyetimet e tij.
Ky status dhe komentet pas tij tregojnë një nevojë të madhe të publikut për të diskutuar mbi moralin politik dhe qasjen e partive ndaj qeverisjes së vendit.
by: Storm-rks
