Ish-kryetari i Zveçanit, Ilir Peci, ka folur pas betimit të kryetarëve të rinj në komunat veriore, përfshirë edhe kryetarin e ri të Zveçanit nga Lista Serbe.

Ai ka thënë se, ndonëse betimi është kryer të premten, procesi i pranim-dorëzimit ende nuk ka ndodhur, ndërsa situata në komunë po shoqërohet me presion ndaj administratës lokale.

“Të premten është bërë betimi, pranim-dorëzim akoma s’ka. Nuk janë duke u sjellë mirë disa drejtorë të tij, sidomos shefi i kabinetit, sepse po i bëjnë presion të fortë administratës”, deklaroi Peci.

Ai ka theksuar se para zyrës së kryetarit janë vendosur sërish simbolet me katër S, të cilat përfaqësojnë simbole nacionaliste serbe.

“Para zyrës së kryetarit i kanë vendosur prapë simbolet me katër S. Unë i kam shkruar edhe pushtetit lokal, ministrisë, por s’ka ndonjë reagim nga ta,” u shpreh ai.

Peci tha se gjatë ceremonisë së betimit është zhvilluar një takim rreth 40 minuta, por çështja e presionit nuk është diskutuar. Ai është përpjekur të ndërmjetësojë komunikim institucional.

“Pak më parë i kam shënuar ish-nënkryetarit tim që ishte i komunitetit serb që me bisedu me kryetarin e ri, tash jemi në pritje”, shtoi ai për FrontOnline.

Ai konfirmoi se në hyrje të objektit të Kuvendit Komunal gjendet flamuri i Kosovës, por nuk ka informacione të plota për simbolikën brenda zyrës së kryetarit.

“Tek hyrja e Kuvendit është flamuri i Kosovës, e për brenda zyrës së kryetarit nuk e di a janë apo jo simbolet”, tha Peci.

Sipas tij, presioni mbi stafin komunal është serioz dhe kërkon reagim urgjent nga institucionet qendrore.

“Ka presion te zyrtarët komunal dhe duhet me u tërhiq, dhe këtu duhet me ndërhy shteti, veçmas Ministria e Pushtetit Lokal”, theksoi ai.

Peci paralajmëroi se nëse situata vazhdon kështu, mund të ketë rikthim të tensioneve në komunë.

“Kjo do të thotë se nëse kështu është situata, për një kohë të shkurtër do të kthehet në pikën zero,” deklaroi ai.

Ai shtoi se procesi i pagesës së energjisë ka nisur të stabilizohet, por nuk është përmbyllur.

“Faturat po paguhen, ka filluar një numër i mirë, por akoma s’ka përfundu kyçja nëpër orë”, përfundoi Peci.

Kryetari i Aleancës për Ardhmërinë e Kosovës (AAK), njëherit edhe kandidat për kryeministër nga kjo parti, Ramush Haradinaj tregoi pozicionet e partisë së tij apo misionin vendimtar rreth zgjedhjeve që do të mbahen më 28 dhjetor.

Haradinaj tha se vendit tonë i duhet një ndryshim për të përmirësuar mirëqenien e popullit dhe sigurinë e tyre. Ai tha se një pjesë e madhe e njerëzve po besojnë se Aleanca e tij, mund t’i bëjë këto ndryshime në vendin tonë.

“Krejt në Kosovë  janë të interesum me pa një kthim te situatat reale jo me jetu margjina ose imagjinatë që nuk është reale. Gjendja në Kosovë nuk është  e mirë. Nuk i ke mirë as personelin mjekësor, as ata në arsime arsim të lartë, kudo. Nuk është dikush që e ka gjendjen shumë mirë në vend, nuk po dojmë veç me vajtu, jemi optimist, por situata është kejt tjetër. Ky seriozitet i situatës ka mrri deri diku me na identifiku edhe ne që dikush që e ndihmon daljen nga gjendja që ka mbet Kosova, një pjesë e madhe e njerëzve që nuk janë veç Aleancë, se aleancë po se po, po një pjesë e madhe që kanë ardhë në listë po besojnë se ne mund ta ndihmojmë gjendjen e Kosovës, në mirëqenie, në siguri dhe me rujt veten se kush jem, identitetin tonë”, shtoi tutje Haradinaj.

Kandidati për deputet nga AAK, Haki Abazi, e sheh të pamundur bashkëpunimin me LVV-në për shkak të gjuhës fyese dhe përçarëse që ka Albin Kurti.

Në një përgjigje për rtv21 Abazi tha se Kosovës i duhet një Qeveri stabile e cila e forcon partneritetin me aleatët SHBA-në dhe BE-në.

“AAK-ja ka qenë e drejtpërdrejtë që Kosovës i duhen institucione demokratike, Qeveri stabile dhe një partneritet i fuqishëm me SHBA-të dhe BE-në. Jam i bindur se qytetarët do të jenë në kërkim të një normaliteti dhe kthim tek demokraci. Një Qeveri e përbashkët e partive politike të cilat janë duke kultivuar reformën e brendshme dhe partneritetin mes veti mund të jetë e mundur për të dalur nga rrethi vicioz që është krijuar sidomos viteve të fundit”, tha ai.

Sot parashihet të mbajë mot i vranët dhe me intervale me diell.

Temperaturat minimale do të lëvizin ndërmjet -1 deri 2 gradë Celsius, ndërsa maksimalet e ditës parashihen të lëvizin ndërmjet 7-10 gradë Celsius.

Era do të fryjë kryesisht nga jugperëndimi me shpejtësi 1-5m/s.