Derisa diskutonin se si të luftohet dhuna, ish-nënkryetarja e Kuvendit të Kosovës, Albulena Haxhiu dhe ministrja në detyrë e Arsimit, Arbërie Nagavci janë përballur me një ndodhi të njërit prej nxënësve të shkollës “Ahmet Gashi”,  i cili tregon se në një ligjëratë ku ligjëronin policët iu ishte thënë “rrini urtë se ju çojmë në stacion”.

Ai pyet ato se si mundet me u siguru kur shteti ushtron dhunë ndaj tyre.

Këtu i është përgjigjur Haxhiu duke thënë se kjo është e hidhur, por është edhe një realitet, duke marrë shembuj edhe politikanët të cilët patën përplasje në Kuvend.

“Qysh kemi me mujt na me u siguru kur vetë shteti jonë dhuron shumë dhunë ndaj neve. Përshembull ne e kemi pasë para dy ose tre jave një ligjërata në shkollë dhe me fillimin e ligjëratës e kemi pasë ligjëratën me policë dhe me fillimin e saj, policët duke na bërtitur tu na thënë “rrini urtë se ju çojmë në stacion”, e edhe kjo është njëfarë lloje. Ne nuk ndihemi sigurt që e kemi këtë çdo ditë, si në shkollë, si në rrugë, gjithkund”, pyeti nxënësi i shkollës “Ahmet Gashi” në Prishtinë raporton Ekonomia Online.

Haxhiu thekson se ka raste që politikanët nuk janë shembulli më i mirë e që nuk duhet të ndjeket, por që nënvizon se edhe ata janë njerëz e mund të gabojnë.

“Fatkeqësisht realiteti është i tillë, është i hidhur . unë nuk mundem me mohu këtë sepse e kemi parë të gjithë q ehe në institucione dhe në këtë vend ku jemi sot ka pasë dhunë dhe është përdorur dhunë. Mendoj që ka raste që politikanët nuk janë shembulli më i mirë që duhet ta ndjekim. Prandaj ftojë që sa herë të kemi raste të tilla që ata të mos jenë asnjëherë shembull i mirë që duhet të ndjekjet. Por qytetarët e kanë fuqinë në moshën 18 vjeçare e fiton të drejtën e votës dhe pastaj qytetarët, politikanët e papërgjegjshëm dhe përdorin dhunë i ndëshkojnë me votë. Pra kjo është fuqia që ka populli. Është e vërtetë që ne nuk mundemi me kontrolli gjithmonë se çka bëjnë të rriturit prandaj edhe ekzistojnë ligjet në fuqi. Ne mundemi me kontrolli se çka bëjmë vet. Prandaj është e rëndësishme që secili prej nesh me kontrollu vetveten në mënyrë që mos të jetë i dhunshëm sepse të qenit i dhunshëm nuk mund t’i ndreq padrejtësitë por vetëm i vazhdon. Edhe njëherë sa herë ka raste të tilla duhet që t’i adresojmë dhe përgjegjësinë për këtë e kanë edhe institucionet e drejtësisë, e institucionet e drejtësisë e kanë adresuar edhe dhunën që ka ndodhur në Kuvend, ndonëse për bindjen time jo në formën që është dashtë të adresojnë, por edhe politikanët janë njerëz mund të gabojnë, por mos i ndiqni si shembull kur nuk duhet”, u përgjigj Haxhiu.

Presidenti i Shqipërisë, Bajram Begaj, në pesëdhjetë vjetorin e Akademisë së Shkencave e Arteve të Kosovës tha se sot kremtohet rrugëtimi gjysmëshekullor i dijës, sakrificës, dhe përkushtimit intelektual, qytetar e kombëtarë.

“Festojmë jetën e një institucioni që u lindi në kushte të vështira, por që u ngrit në lartësinë e institucioneve të tjera simotra të kombeve të zhvilluara. Kosova ishte një histori e trashëgimi të çmuar dijesh të hershme, përpara se kjo godinë e ky institucion të merrnin formën që ka sot”, tha Begaj.

Presidenti shqiptar në fjalën e tij në pesëdhjetëvjetorin e ASHAK-ut tha se në kohët më të vështira, Akademia e intelektualët e Kosovës patën edhe një rol atdhetar e patriotik.

“Ata mbrojtën gjuhën e historinë, identitetin shqiptar kur ato ishin të kërcënuara. Patriotizmi i tyre u shpreh jo vetëm me fjalë të mëdha, por me punë të palodhur shkencore, krijimtari të guximshme dhe këmbëngulje për të thënë të vërtetën”, tha ai.

Begaj tha se historia e shqiptarëve të Kosovës nuk është histori a e një populli me institucione të lira.

“Është historia e pengesave të qëllimshme, e kufizimeve politike e sociale nga një sistem i egër, represiv e kriminal që synonte në ndalte çdo afirmim kulturor, shkencor dhe dinjitar kombëtar shqiptar. Sa më i fortë presioni , aq më e madhe ishte përgjigjja e elitës intelektuale të Kosovës”, tha presidenti i Shqipërisë, Bajram Begaj.

Begaj, tha se pas shumë përpjekjesh e sakrificash dhe falë ndihmës së Shteteve të Bashkuara të Amerikës dhe partnerëve evropian, shqiptarët jetojnë një moment të paprecedentë.

“Kemi dy shtete shqiptare, dy Akademi Shkencore që u shërbejnë një kombi. Është hera e parë në historinë tonë që dija shqiptare mund të zhvillohet pa pengesa në liri e bashkëpunim të plotë. Kjo na jep jo vetëm siguri, por edhe fuqi për të ecur përpara për tu ngritur si komb përmes dijes, krijimtarisë dhe përmes shpirtit. E kaluara na ka mësuar vlerën e dijës dhe e ardhmja na kërkon të shndërrojmë këtë dije në forcë zhvillimi për shoqërinë tonë”, tha presidenti shqiptar, Begaj.

Kraja: Historia e ASHAK-ut është e lidhur ngushtë me historinë e Kosovës

Akademia e Shkencave dhe Arteve të Kosovës (ASHAK) ka shënuar gjysmëshekullin e themelimit. Të pranishëm aty ishin zyrtar të lartë shtetëror nga Kosova e Shqipëria, përfaqësues akademish nga vende të ndryshme e ambasador të akredituar në Kosovë.

Kryetari i ASHAK-ut, Mehmet Kraja derisa foli për 50 vjetët e punës së Akademisë tha se ASHAK-u ndau fatin e vështirë të historisë e gjeografisë së vendit të vetë.

“Bashkë me këtë histori duhet bërë të ditur se Akademia u themelua si e Kosovës dhe e tillë mbeti deri në ditët e sotme, dhe e tillë do të jetë edhe në të ardhmen në të gjitha fazat e zhvillimit të punës së saj. Ajo ndau fatin e vështirë të historisë e gjeografisë së vendit të vetë. Akademia u quajt e Kosovës dhe bashkë me vendin ku u themelua i bëri 50 vjet jetë në një rrugë të vështirë të emancipimit e lidhur ngushtë me vlerat më të larta të humanizmit, mendimit të lirë dhe të progresit. Themelimi të akademisë i kanë paraprirë disa rrethana specifike të zhvillimeve shoqërore e politike në vend”, tha Kraja.

Ai tha se sfida më e madhe e Akademisë së Kosovës mbetet konsolidimi dhe pavarësia e saj institucionale.

“Historia e saj është e lidhur ngushtë me historinë e shtetit të Kosovës duke qenë jo vetëm mbështetëse e të gjitha proceseve politike që e quan Kosovën drejt pavarësisë, ndonjëherë edhe ideatorë e këtyre lëvizjeve me interes për shoqërinë dhe emancipimin e saj shoqëror e kulturor”, tha Kraja.