Që kur rebelët e Hayat Tahrir al-Sham përmbysën regjimin e Presidentit Bashar al-Assad dhe morën kontrollin e zonave të mëdha të vendit, është shfaqur një flamur me tre yje që zëvendëson flamurin e mëparshëm me dy yje të Sirisë.
Ky flamur i opozitës është shfaqur në festimet e popullit sirian në mbarë botën dhe është ngritur gjithashtu nga disa poste diplomatike, si ambasadat siriane në Moskë, Bruksel dhe Paris, shkruan BBC, përcjell Storm.
Skuadra siriane e futbollit gjithashtu ka përditësuar së fundmi logon dhe ka ndryshuar ngjyrën e fanellës së skuadrës nga e kuqe në jeshile.
Mirëpo, flamuri i përdorur nga rebelët, nuk është krejtësisht i ri dhe është një version i modifikuar i flamurit të pavarësisë i përdorur për herë të parë kur Siria fitoi pavarësinë nga Franca.
Sipas raportimeve, tre yjet e kuq në qendër të flamurit, përfaqësojnë tri rrethet kryesore të Sirisë: Aleppo, Damasku dhe Deir el-Zor.
Flamuri zyrtar i regjimit të Asadit, i cili ishte i kuq, i bardhë dhe i zi me dy yje të gjelbër në qendër – ishte përdorur që nga viti 1980.
E kuqja përfaqësonte gjakun e derdhur në revolucionin sirian, e bardha përfaqësonte paqen dhe e zeza simbolizonte shtypjen e arabëve.
Ky ishte edhe flamuri i Republikës së Bashkuar Arabe – një bashkim politik i Egjiptit dhe Sirisë i cili u shemb në vitin 1961.
