Ndryshe nga shumë vende të rajonit që u përballen me vërshime e viktima, Kosova ka shpëtuar nga efektet e ciklonit “Kasandra”.
Sipas Institutit Hidrometeorologjik të Kosovës, komuna ku më së shumti ra sasi e shiut është Malisheva me 52 mm litër për metër kub, e përcjellë nga Juniku, Istogu e Prizreni.
IHMK ka thënë se pavarësisht reshjeve që ishin të shpërndara në gjithë territorin e Kosovës, për momentin nuk jemi të rrezikuar nga vërshimet, ani se lumenjtë kanë ngritje të lehta deri në mesatare.
Instituti ka sqaruar se cikloni i ashtuquajtur “Kasandra” është në dobësim, kështu që reshjet do të vazhdojnë edhe sot e nesër në disa pjesë të Kosovës, por që intensiteti i tyre do të jetë në zvogëlim e sipër.
Java e ardhshme premton mot stabil, kjo si rezultat i presionit konstant që do të jetë gjatë javës dhe elementeve tjera meteorologjike!
