Deputetja nga radhët e Partisë Demokratike të Kosovës (PDK), Vlora Çitaku, ka thënë se me 97% të votave të proceduara, PDK në nivel të Kosovës ka marrë më së shumti asamblistë.
Sipas tabelës së publikuar, PDK pritet të ketë 208 asamblistë në nivel vendi, LDK 199 derisa LVV e treta me 188.
“Ky rezultat është dëshmi e qartë se besimi i qytetarëve nuk fitohet me fjalë, por me punë, përkushtim e vizion”, ka shkruar mes tjerash Çitaku.
Postimi i plotë:
Përkundër çdo sfide, çdo pengese e çdo përpjekjeje për ta ndalur hovin tonë, ne ia dolëm 💪🇽🇰
Me rreth 97% të vendvotimeve të procesuara, PDK del forca e parë politike në vend me 208 asambleistë anembanë Kosovës dhe mbi 175.000 vota.
Ky rezultat është dëshmi e qartë se besimi i qytetarëve nuk fitohet me fjalë, por me punë, përkushtim e vizion.
Faleminderit secilit që u bë pjesë e këtij rrugëtimi.
Kjo është fitore e qëndrueshmërisë, e besimit dhe e vlerave që nuk lëkunden.
Vetëm përpara ❤️👊
